ରାଉରକେଲା: ଆଦିବାସୀ ନାବାଳିକାକୁ ବିବାହ କରିବା ଓ ଚାକିରୀ ଦେବା ପ୍ରଲୋଭନ ଦେଖାଇ ଜଣେ ଯବାନ ଦୀର୍ଘଦିନ ଧରି ଦୁଷ୍କର୍ମ କରିଥିବା ନେଇ ଥାନାରେ ହୋଇଥିଲା ଅଭିଯୋଗ । ଦୁଇମାସ ଧରି ଅଭିଯୁକ୍ତ ଯବାନ ଫେରାର ଥିବାବେଳ ଆଜି ପୋଲିସ ପାଖରେ କରିଛି ଆତ୍ମସମର୍ପଣ ।
ସୁନ୍ଦରଗଡ ଜିଲ୍ଲାର ଲହୁଣିପଡ଼ା ଥାନା ଅଞ୍ଚଳରେ ଘଟିଥିଲା ଏଭଳି ଅଭାବନୀୟ ଘଟଣା । ବାରକୋଟ ଥାନାର ମସିନ୍ଦ ଗ୍ରାମରେ ସେନା କର୍ମଚାରୀ ବିରେନ୍ଦ୍ର ସାମାଡ ଆଦିବାସୀ ବାଳିକାକୁ ବିବାହ ଏବଂ ଚାକିରୀ କରାଇଦେବାକୁ କହି ଦୀର୍ଘ ଦିନ ଧରି ଉକ୍ତ ବାଳିକା ସହ ଅନୈତିକ ସମ୍ପର୍କ ରଖିଆସୁଥିଲା । ପରେ ବିବାହ କରିବାକୁ ମନା କରିବାରୁ ପୀଡିତା 2 ମାସ ତଳେ ଲହୁଣିପଡ଼ା ଥାନାର ଅଭିଯୋଗ କରିଥିଲା । ଖବର ପାଇ ଅଭିଯୁକ୍ତ ସେବେଠାରୁ ଫେରାର ରହିଥିଲା ।
ଏ ନେଇ ପରିବାର ଲୋକ ରାଉରକେଲା ଏସପିଙ୍କୁ ଜଣାଇଥିଲେ । ଏପରିକି ଏହି ଘଟଣାରେ ବ୍ଲକ ଅଧ୍ୟକ୍ଷ ଆନ୍ଦୋଳନ ଲାଗି ମଧ୍ୟ ଚେତାବନୀ ଦେଇଥିଲେ । ଶେଷରେ ଯବାନ ବିରେନ୍ଦ୍ର ଆଜି ସାମାଡ ଥାନାରେ ଆତ୍ମ ସମର୍ପଣ କରିଥିବା ଜଣାପଡିଛି । ଆଜି ଡାକ୍ତରୀ ମାଇନା କରାଯିବା ପରେ ଅଭିଯୁକ୍ତ ଯବାନକୁ କୋର୍ଟଚାଲାଣ କରାଯିବ ବୋଲି ସୂଚନା ମିଳିଛି ।
ରାଉରକେଲାରୁ ରାଜେନ୍ଦ୍ର ନାଥ ମିଶ୍ର, ଇଟିଭି ଭାରତ
