ଅନୁଗୋଳ: ପାକିସ୍ତାନ ଜେଲରୁ ମୁକ୍ତ ହୋଇଥିବା ସୁନ୍ଦରଗଡ଼ର ବିର୍ଜୁ ଅନୁଗୋଳ ଜିଲ୍ଲା ତାଳଚେରରୁ ଉଦ୍ଧାର ହୋଇଛନ୍ତି । ସୁନ୍ଦରଗଡ ଫେରେଇ ନେବାକୁ ଆସୁଛି ପୋଲିସର ଏକ ଟିମ୍ । ସୁନ୍ଦରଗଡରୁ ନିଖୋଜ ହୋଇଥିବା ବିର୍ଜୁ ଅନୁଗୋଳ ଜିଲ୍ଲାର ତାଳଚେର ଅଞ୍ଚଳରୁ ସୋମବାର ରାତିରେ ଉଦ୍ଧାର କରାଯାଇଛି।
ବିର୍ଜୁ ତାଳଚେର ବଜାରରେ ବୁଲୁଥିବା ବେଳେ ପୋଲିସ ସନ୍ଦେହରେ ତାଙ୍କୁ ଧରିଥିଲା। ତାଙ୍କୁ ବିର୍ଜୁ ବୋଲି ସନ୍ଦେହ କରି ସୁନ୍ଦରଗଡ ପୋଲିସକୁ ଖବର ଦେବା ସହ ଫୋଟ ପଠାଇଥିଲା। ସୁନ୍ଦରଗଡ଼ ପୋଲିସ ସେ ବିର୍ଜୁ ବୋଲି ସୂଚନା ଦେବା ପରେ ତାଳଚେର ପୋଲିସ ମ୍ୟୁନିସିପାଲଟି କର୍ତ୍ତୃପକ୍ଷଙ୍କ ସହାୟତାରେ ତାଙ୍କୁ ଧରି ନେଇ ସେଲଟର ହୋମରେ ସୁରକ୍ଷିତ ଭାବେ ରଖିଛି।
ତେବେ ବିର୍ଜଙ୍କୁ ନେବା ପାଇଁ ସୁନ୍ଦରଗଡ ପୋଲିସର ଟିମ୍ ଆସୁଥିବା ଅନୁଗୋଳ ଏସପି ଜଗମୋହନ ମୀନା ସୂଚନା ଦେଇଛନ୍ତି । ବିର୍ଜୁ ସୁରକ୍ଷିତ ଅଛନ୍ତି। ସୁନ୍ଦରଗଡ ପୋଲିସର ଏକ ଟିମ୍ ଏଠାକୁ ଆସୁଛନ୍ତି। ତଦନ୍ତ ପରେ ସେମାନେ ବିର୍ଜୁକୁ ସାଙ୍ଗରେ ନେଇଯିବେ।
ଅନୁଗୋଳରୁ ସଂଗ୍ରାମ ରଞ୍ଜନ ନାଥ, ଇଟିଭି ଭାରତ
