ସୁବର୍ଣ୍ଣପୁର: ପ୍ରିନ୍ସିପାଲଙ୍କ ବଦଳିକୁ ବିରୋଧ । ଆନ୍ଦୋଳନରେ ଶହ ଶହ ଛାତ୍ରଛାତ୍ରୀ । ଉଲୁଣ୍ଡା ଆଦର୍ଶ ବିଦ୍ୟାଳୟର ପ୍ରିନ୍ସିପାଲ ରମଣୀକାନ୍ତ ସାହୁଙ୍କ ବଦଳିକୁ ବିରୋଧ କରି ଶହ ଶହ ଛାତ୍ରଛାତ୍ରୀ ସ୍କୁଲ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଛାତ୍ରଛାତ୍ରୀମାନେ କକ୍ଷ ବର୍ଜନ କରିବା ସହ ବିଦ୍ୟାଳୟକୁ ଭିତର ପଟୁ ତାଲା ପକାଇ ଦେଇଥିଲେ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ଆଦର୍ଶ ବିଦ୍ୟାଳୟର ଅଧ୍ୟକ୍ଷକଙ୍କ ବଦଳି ନବରଙ୍ଗପୁରକୁ କରାଯାଇଛି । ଯାହାକୁ ସହଜରେ ଗ୍ରହଣ କରିପାରି ନାହାନ୍ତି ଛାତ୍ରଛାତ୍ରୀ । ପୂର୍ବରୁ ଅଧ୍ୟକ୍ଷକଙ୍କ ବଦଳି ନ କରିବା ପାଇଁ ଛାତ୍ରଛାତ୍ରୀମାନେ ଜିଲ୍ଲା ଶିକ୍ଷା ବିଭାଗ ନିକଟରେ ଦାବି କରିଥିଲେ । ହେଲେ ସେମାନଙ୍କ ଦାବି କେହି କର୍ଣ୍ଣପାତ ନକରିବାରୁ ଶେଷରେ ଆନ୍ଦୋଳନ କରିଛନ୍ତି ଛାତ୍ରଛାତ୍ରୀ
। ଏପରିକି ଯଦି ଅଧ୍ୟକ୍ଷକଙ୍କ ବଦଳି ହୁଏ ଆଉ ସ୍କୁଲରେ ପାଠ ପଢିବେ ନାହିଁ ବୋଲି ଛାତ୍ରଛାତ୍ରୀମାନେ ରୋକ୍ଠୋକ୍ ଶୁଣାଇଛନ୍ତି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
