ସୁବର୍ଣ୍ଣପୁର: ଆସନ୍ତାକାଲି ପଶ୍ଚିମ ଓଡିଶାର ଗଣପର୍ବ ନୂଆଖାଇ । ଏଥିପାଇଁ ଚଳଚଞ୍ଚଳ ସୁବର୍ଣ୍ଣପୁର ସହର । ସୋନପୁର ଗଡଜାତବାସୀ ବେଶ ଧୂମଧାମରେ ପାଳନ କରିବେ ଏହି ପର୍ବକୁ ।
ଭିଡିଓ ସୌଜନ୍ୟ: ପ୍ରତିନିଧି, ସୁବର୍ଣ୍ଣପୁର
ସକାଳ 9ଟା 57ରୁ 10ଟା 11ସମୟ ମଧ୍ୟରେ ଇଷ୍ଟଦେବୀ ମା ସୁରେଶ୍ଵରୀଙ୍କ ପାଖରେ ନବାନ୍ନ ଲାଗି କରିବାକୁ ଲଗ୍ନ ନିର୍ଣ୍ଣୟ କରାଯାଇଛି । ବିଶାଖା ନକ୍ଷତ୍ର ତୁଳା ରାଶି ଲଗ୍ନରେ ମାହେନ୍ଦ୍ର ବେଳାରେ ଦେବୀ ମା'ଙ୍କ ନିକଟରେ ନବାନ୍ନ ଲାଗି କରାଯିବ ।
ସହରର ଅଷ୍ଟଚଣ୍ଡୀଙ୍କ ପାଖରେ ନବାନ୍ନ ଲାଗିବା ପରେ ସୁବର୍ଣ୍ଣପୁର ଓ ବୌଦ୍ଧ ଜିଲ୍ଲାର ପଞ୍ଚରା ଅଞ୍ଚଳରେ ଲୋକେ ନିଜ ନିଜ ଇଷ୍ଟ ଦେବଦେବୀଙ୍କ ପାଖରେ ନବାନ୍ନ ଲଗାଇବା ପରେ ସପରିବାର ଗ୍ରହଣ କରିବେ । ନିର୍ଦ୍ଧାରିତ ଲଗ୍ନର ଘଣ୍ଟାଏ ପୂର୍ବରୁ ମା ସମଲେଇ ମନ୍ଦିରରୁ ପାହୁର ଯାତ୍ରା ବାହାର କରିବାକୁ ସ୍ଥିର ହୋଇଛି । ଏଥିପାଇଁ ପାହୁର ଯାତ୍ରା କମିଟି ଓ ସଦର ପୌର ପରିଷଦ ପକ୍ଷରୁ ବ୍ୟାପକ ପ୍ରସ୍ତୁତି କରାଯାଇଛି ।
ସୁବର୍ଣ୍ଣପୁରରୁ ତୀର୍ଥବାସୀ ପଣ୍ଡା, ଇଟିଭି ଭାରତ
