ସମ୍ବଲପୁର: ଟ୍ରେନ ଆଗକୁ ଡେଇଁ ଆତ୍ମହତ୍ୟା କଲେ ଯୁବତୀ । ମାଲବାହୀ ଟ୍ରେନରେ କଟି ଯୁବତୀଙ୍କ ମୃତ୍ୟୁ । ଏଭଳି ଘଟଣା ଘଟିଛି ସମ୍ବଲପୁର ରେଢ଼ାଖୋଲ ଷ୍ଟେସନର ରେଳ ଲାଇନରେ । ଆଜି ସକାଳେ ଜଣେ ଯୁବତୀ ରେଳ ଲାଇନକୁ ଯିବା ସହ ଟ୍ରେନ ସମ୍ମୁଖକୁ ଡେଇଁପଡିଥିଲେ । ଏନେଇ ଖବର ପାଇଁ ଘଟଣାସ୍ଥଳରେ ପୋଲିସ ପହଞ୍ଚି ଯୁବତୀଙ୍କ ମୃତଦେହ ରେଳଧାରଣାରୁ ଉଦ୍ଧାର କରିଛି ।
ଟ୍ରେନ ଆଗକୁ ଡେଇଁ ଆତ୍ମହତ୍ୟା କଲେ ଯୁବତୀ!
ମିଳିଥିବା ସୂଚନା ଅନୁୟାୟୀ ଯୁବତୀ ଜଣଙ୍କ ଆଜି ସକାଳ ସମୟରେ ସ୍ଥାନୀୟ ଲୋକଙ୍କୁ ରେଳଷ୍ଚେସନ କେଉଁଠି ଅଛି ବୋଲି ପଚାରିଥିଲେ । ଏହାପରେ ଷ୍ଟେସନ ପଟକୁ ଯାଇଥିଲେ । କିଛି ସମୟ ପରେ ଯୁବତୀ ଟ୍ରେନ ସମ୍ମୁଖକୁ ଡେଇଁ ପଡିଥିଲେ ବୋଲି ସ୍ଥାନୀୟ ଲୋକେ କହିଛନ୍ତି । ତେବେ ଯୁବତୀଙ୍କ ପରିଚୟ ଏପର୍ଯ୍ୟନ୍ତ ମିଳିପାରିନଥିବା ବେଳେ କେଉଁ କାରଣରୁ ସେ ଟ୍ରେନ ସମ୍ମୁଖକୁ ଡେଇଁପଡିଲେ ସେନେଇ ପୋଲିସ ତଦନ୍ତ ଆରମ୍ଭ କରିଛି ।
ସମ୍ବଲପୁରରୁ ବାଦଶାହା ଜୁସ୍ମନ ରଣା, ଇଟିଭି ଭାରତ
