ଭୁବନେଶ୍ବର: ବୁର୍ଲା ଭିମସାର ମେଡିକାଲରେ ଡାକ୍ତରଙ୍କ ଦୁର୍ବ୍ୟବହାର ଘଟଣାରେ ପୀଡିତଙ୍କ ପରିବାର ରାଜ୍ୟ ମାନବାଧିକାର କମିଶନଙ୍କ ଦ୍ବାରସ୍ଥ ହୋଇଛନ୍ତି । ବୁଧବାର ପୀଡିତ ଝସକେତନ ରାଉତଙ୍କ ବାପା ତୁଲାରାମ ରାଉତ ଓ ମୁକେଶ ବେହେରାଙ୍କ ମା ଲୋଚନ ବେହେରା ରାଜ୍ୟ ମାନବାଧିକାର କମିଶନରଙ୍କୁ ଭେଟି ନ୍ୟାୟ ଭିକ୍ଷା କରିଛନ୍ତି । ସେମାନଙ୍କୁ ମାନସିକ ଓ ଶାରୀରିକ ଭାବରେ ନିର୍ଯ୍ୟାତନା ଦିଆଯାଇଥିବା ଅଭିଯୋଗରେ ଦର୍ଶାଇଛନ୍ତି । ନ୍ୟାୟ ମିଳିବା ଆଶାରେ ଆସିଥିବା ତୁଲାରାମ ରାଉତ ପ୍ରକାଶ କରିଛନ୍ତି ।
ପୋଲିସ ପାଖରେ ଅଭିଯୋଗ କଲେ ମଧ୍ୟ ପୋଲିସ ଅଭିଯୁକ୍ତକୁ ଘଣ୍ଟ ଘୋଡାଉଥିବା ପୀଡିତ ମୁକେଶ ବେହେରାଙ୍କ ମା ଲୋଚନା ବେହେରା ପ୍ରକାଶ କରିଛନ୍ତି । ସଠିକ ତଦନ୍ତ କରାଯାଇ ଦୋଷୀକୁ ଦଣ୍ଡ ମିଳୁ ବୋଲି ଲୋଚନା କହିଛନ୍ତି ।
ଭୁବନେଶ୍ବରରୁ ସଞ୍ଜୀବ ରାୟ, ଇଟିଭି ଭାରତ