ସମ୍ବଲପୁର: ଜିଲ୍ଲା ଜୟନ୍ତପୁର ଛକ ନିକଟରେ ଅଘଟଣ । ରାସ୍ତାରେ ଚାଲୁ ଚାଲୁ ଜଳିଗଲା ହାଇୱା ଟ୍ରକ । ଅଳ୍ପକେ ବର୍ତ୍ତିଲେ ଟ୍ରକ ଚାଳକ । ନିଆଁ ଲାଗିବାର କାରଣ ଜଣାପଡିନାହିଁ ।
ରାସ୍ତା ଉପରେ ଚାଲୁ ଚାଲୁ ଜଳିଗଲା ଟ୍ରକ
ସମ୍ବଲପୁର ଜିଲ୍ଲାର ମୁମ୍ବାଇ କୋଲକାତା ରାଜରାସ୍ତା ଜୟନ୍ତପୁର ଛକ ନିକଟରେ ଏକ ହାଇୱା ଟ୍ରକରେ ହଠାତ ନିଆଁ ଲାଗି ଯାଇଥିଲା । ଏହାକୁ ଦେଖି ଡ୍ରାଇଭର ଓ ହେଲ୍ପର ଟ୍ରକରୁ ବାହାରି ଯାଇଥିଲେ । ଏହା ପରେ ଟ୍ରକଟି ସମ୍ପୂର୍ଣ୍ଣ ରୂପେ ଜଳିଯାଇଥିଲା । ନିଆଁ ଲାଗିବାରୁ ସେହି ଅଞ୍ଚଳ ଧୂଆଁମୟ ହୋଇଥିଲା ।
ଦୁର୍ଘଟଣା ଘଟିବା ଫଳରେ ସମ୍ବଲପୁର ଦେବଗଡ଼ ରାସ୍ତାରେ ଉଭୟ ପକ୍ଷର ଗାଡି ସବୁ ଅଟକି ରହିଥିଲା । ଘଟଣା ସ୍ଥଳରେ ଅଗ୍ନିଶମ ବିଭାଗ ପହଞ୍ଚି ନିଆଁକୁ ଆୟତ୍ତ କରିଛି । ଟ୍ରକଟି ସମ୍ବଲପୁର ଆଡ଼କୁ ଆସୁଥିଲା ବୋଲି ସୂଚନା ମିଳିଛି । ନିଆଁ ଲାଗିବାର କାରଣ ଜଣାପଡିନାହିଁ ।
ସମ୍ବଲପୁରରୁ ବାଦସାହା ଜୁସ୍ମନ ରଣା, ଇଟିଭି ଭାରତ
