ସମ୍ବଲପୁର: ଦେବରିଗଡ଼ ଅଭୟାରଣ୍ୟରେ ଆରମ୍ଭ ହେଲା ଅତ୍ୟାଧୁନିକ ଜଙ୍ଗଲ ସଫାରୀ ସେବା । ପୂର୍ବରୁ ଏଠାରେ 9 ଟି ସାଧାରଣ ସଫାରୀ ଗାଡିର ସେବା ଉପଲବ୍ଧ ଥିବାବେଳେ ବର୍ତ୍ତମାନ ପର୍ଯ୍ୟଟକଙ୍କ ସୁବିଧା ପାଇଁ ଆହୁରି 5ଟି ଅତ୍ୟାଧୁନିକ ଏ.ସି. ସଫାରୀ ଗାଡିର ଶୁଭାରମ୍ଭ କରିଛି ହୀରାକୁଦ ବନ୍ୟପ୍ରାଣୀ ବିଭାଗ ।
5ଟି ଶୀତ ତାପ ନିୟନ୍ତ୍ରିତ ସଫାରୀ ଗାଡିର ଶୁଭାରମ୍ଭ କରାଯାଇଛି । ଯେକୌଣସି ପାଗରେ ଏହି ଗାଡି ସାହାଯ୍ୟରେ ପର୍ଯ୍ୟଟକମାନେ ଅଭୟାରଣ୍ୟ ବୁଲିବା ସହ ସମ୍ବଲପୁର ଓ ଆଖ ପାଖର ପର୍ଯ୍ୟଟନ ସ୍ଥଳ ଓ ମାର୍କେଟ ବୁଲି ପାରିବେ । 5ଟି ସଫାରୀ ଗାଡି ମଧ୍ୟରୁ 2 ଟି ଗାଡି 4-ସିଟେଡ ହୋଇ ଥିବାବେଳେ ଅନ୍ୟ 3ଟି ଗାଡି 12 ସିଟେଡ । ଏହି ସଫାରୀ ଗାଡି ସାହାଯ୍ୟରେ ପର୍ଯ୍ୟଟକମାନେ ଅଭୟାରଣ୍ୟ ବୁଲିବା ସହ ହୀରାକୁଦ ଡ୍ୟାମ, ସମ୍ବଲପୁର ସହର, ସମଲେଶ୍ୱରୀ ମନ୍ଦିର, ବରଗଡ଼ ଜିଲ୍ଲାର କେଦାରନାଥ ମନ୍ଦିର, ନୃସିଂହ ନାଥ ମନ୍ଦିର ପରିଦର୍ଶନ କରିପାରିବେ ।
ଏହା ସହ ପର୍ଯ୍ୟଟକମାନେ ବରଗଡ଼ ଜିଲ୍ଲାର ସମ୍ବଲପୁରୀ ହସ୍ତତନ୍ତ ବୁଣାକାରଙ୍କ ଗାଁକୁ ମଧ୍ୟ ଯାଇ ପାରିବେ । ମୁଖ୍ୟତଃ ଦେବରିଗଡ଼ ଅଭୟାରଣ୍ୟରେ ପର୍ଯ୍ୟଟନର ବିକାଶ ପାଇଁ ହୀରାକୁଦ ବନ୍ୟପ୍ରାଣୀ ବିଭାଗ ପକ୍ଷରୁ ଏଭଳି ପଦକ୍ଷେପ ନିଆଯାଇଛି । ଆଗକୁ ମଧ୍ୟ ପର୍ଯ୍ୟଟନର ବିକାଶ ପାଇଁ ଏମିତି ଆହୁରି ନୂଆ ପଦକ୍ଷେପ ନିଆଯିବ ବୋଲି ବନ ବିଭାଗ ପକ୍ଷରୁ କୁହାଯାଇଛି ।
ଇଟିଭି ଭାରତ, ସମ୍ବଲପୁର
