ସମ୍ବଲପୁର: ଜିଲ୍ଲାର ଯୁଜୁମରା ସ୍ଥିତ CRPF କ୍ୟାମ୍ପରେ ଚାଞ୍ଚଲ୍ୟ । ଜଣେ ସିଆରପିଏଫ ଯବାନ ତାଙ୍କ ସର୍ଭିସ ବନ୍ଧୁକରୁ ଗୁଳି ଫୁଟି ମୃତ୍ୟୁବରଣ କରିଥିବା ସୂଚନା ରହିଛି । ମୃତ ଯବାନ ଜଣକ ହେଲେ ପଞ୍ଜାବର ବୁଟା ସିଂ । ତେବେ ଗୁଳିଟି ତାଙ୍କ ବେକରେ ବାଜିଛି ।
ତାଙ୍କୁ ଗୁରୁତର ଅବସ୍ଥାରେ ଯବାନଙ୍କୁ ପ୍ରଥମେ ଯୁଜୁମରା ସ୍ବାସ୍ଥ୍ୟକେନ୍ଦ୍ର ପରେ ବୁର୍ଲା ମେଡିକାଲ ସ୍ଥାନାନ୍ତରିତ କରାଯାଇଛି । ସେଠାରେ ତାଙ୍କର ମୃତ୍ୟୁ ଘଟିଛି । ଏହା ଦୁର୍ଘଟଣା ନା ଆତ୍ମହତ୍ୟା ତାହା ଅସ୍ପଷ୍ଟ ରହିଥିବା ବେଳେ ଅଧିକ ତଦନ୍ତ ଆରମ୍ଭ କରିଛି ପୋଲିସ ।
ସୂଚନା ଅନୁଯାୟୀ, ମଙ୍ଗଳବାର ବୁଟା ବୁର୍ଲା ଫାଇରିଂ କ୍ୟାମ୍ପକୁ ଯାଇ ଫାଇରିଂ ଅଭ୍ୟାସ କରିଥିଲେ । ଏହାପରେ ଯୁଜୁମୁରା କ୍ୟାମ୍ପକୁ ଫେରିବା ପରେ ତାଙ୍କ ରୁମକୁ ଫେରିଥିଲେ । ତେବେ କିଛି ସମୟ ପରେ ଗୁଳିର ଶବ୍ଦ ଆସିଥିଲା । ଗୁଳିର ଶବ୍ଦ ଶୁଣି ତାଙ୍କ ସହକର୍ମୀ ମାନେ ରୁମର ପହଞ୍ଚି ଥିଲେ । ସେଠାରେ ସେ ରକ୍ତ ଜୁଡୁବୁଡୁ ଅବସ୍ଥାରେ ପଡିଥିବା ଦେଖିବାକୁ ମିଳିଥିଲା । ସଙ୍ଗେ ସଙ୍ଗେ ତାଙ୍କୁ ମେଡିକାଲକୁ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲା ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
