ସମ୍ବଲପୁର: ସମ୍ବଲପୁରରେ ଥମୁନି ହାତୀ ମୃତ୍ୟୁ । ସମ୍ବଲପୁର ଜିଲ୍ଲା ଜୁଯୋମୁରା ବ୍ଳକ ପଡିଆବାହାଲ ରେଞ୍ଜର ଲଦଲଦି ବିଟ ଧଲୋପାଲ ଠାରେ ଏକ ମାଈ ହାତୀର ମୄତଦେହ ଠାବ କରିଛି ବନ ବିଭାଗ । ଏନେଇ ସମ୍ବଲପୁର ଡିଏଫଓ ବିଶ୍ଵନାଥ ନୀଳାମ୍ବର ସୁଚନା ଦେଇଛନ୍ତି । ମୄତ ମାଈ ହାତୀଟି ପ୍ରାୟ 25 ରୁ 30 ବର୍ଷ ବୟସ୍କ ହେବ ବୋଲି ବନବିଭାଗ ତରଫରୁ ସୁଚନା ଦିଆଯାଇଛି ।
ସମ୍ବଲପୁରରେ ମାଈ ହାତୀର ମୃତଦେହ ଉଦ୍ଧାର
ବନବିଭାଗ ମୄତ ମାଈ ହାତୀର ମୄତଦେହ ଉଦ୍ଧାର କରି ବ୍ୟବଚ୍ଛେଦ ପାଇଁ ପଠାଇଛି । ପ୍ରାଥମିକ ତଦନ୍ତରୁ ହାତୀ ମୃତ୍ୟୁ "Gastrointestinal failure due to duodenal torsion" ଯୋଗୁଁ ହୋଇଥାଇପାରେ ବୋଲି ସୂଚନା ଦିଆଯାଇଛି । ହାତୀର ମୃତଦେହ ବ୍ୟବଚ୍ଛେଦ ସମୟରେ ସମ୍ବଲପୁର DFO 2 ସ୍ଥାନୀୟ ACF, ପଡ଼ିଆବାହାଲ ରେଞ୍ଜ ଅଫିସର, ସ୍ଥାନୀୟ ସରପଞ୍ଚ ଉପସ୍ଥିତ ରହିଥିଲେ । ତେବେ ମୃତ୍ୟୁର ପ୍ରକୃତ କାରଣ ବ୍ୟବଚ୍ଛେଦ ରିପୋର୍ଟ ଆସିବା ପରେ ଜଣା ପଡି଼ବ ବୋଲି ବନ ବିଭାଗ ସୂଚନା ଦେଇଛି ।
ଇଟିଭି ଭାରତ, ସମ୍ବଲପୁର
