ସମ୍ବଲପୁର : ଆଜି ହେଉଛି ଇସଲାମ ସମ୍ପ୍ରଦାୟର ପର୍ବ ବକ୍ରିଇଦ ବା ଇଦ-ଉଲ-ଜୁହା । ଏହି ଅବସରରେ ଆଜି ସମ୍ବଲପୁର ସହରରେ କୋଭିଡ କଟକଣା ମଧ୍ୟରେ ଇଦ ପାଳନ ହୋଇଛି । କୋଭିଡ କଟକଣା ଯୋଗୁଁ ମସଜିଦରେ ସାମୂହିକ ନମାଜ ପାଠ ଉପରେ କଟକଣା ଥିବାରୁ ଘରେ ଘରେ ନମାଜ ପାଠ କରି ଇଦ ପାଳନ କିରଛନ୍ତି ଇସଲାମ ଧର୍ମାବଲମ୍ବୀ ।
ଚଳିତ ବର୍ଷ କୋଭିଡ କଟକଣା ଯୋଗୁ ସାର୍ବଜନୀନ ପାଳନ ଉପରେ କଟକଣା ଥିବାରୁ ଆତ୍ମୀୟ ସ୍ୱଜନଙ୍କ ମଧ୍ୟରେ ନମାଜ ପାଠ କରି ପରସ୍ପର ସହିତ ଆଲିଙ୍ଗନ କରିବା ସହ ଅଭିନନ୍ଦନ ଜଣାଇ ପାଳିତ ହୋଇଛି ଇଦ । ସେହିପରି ପାରମ୍ପାରିକ ଢଙ୍ଗରେ ଘରେ ଘରେ ସିମେଇ ,ଖଜୁର ଓ ବିଭିନ୍ନ ମିଠାର ମଜା ନେଇଛନ୍ତି ଲୋକେ ।
ଅନ୍ୟପଟେ ସମ୍ବଲପୁର ସହରର କେତେକ ମସଜିଦରେ ପୋଲିସ ପ୍ରଶାସନ ପକ୍ଷରୁ 144 ଧାରା ଲାଗୁ କରାଯାଇଛି । ସହରର ବିଭିନ୍ନ ସ୍ଥାନରେ ଶାନ୍ତି ଶୃଙ୍ଖଳା ରକ୍ଷା ପାଇଁ ପୋଲିସ ପକ୍ଷରୁ 5 ଟି ଷ୍ଟାଟିକ ପଏଣ୍ଟ କରାଯିବା ସହ 2 ଟି ଫୁଟ ପାଟ୍ରୋଲିଂ ଟିମ, 2 ଟି ବାଇକ ପାଟ୍ରୋଲିଂ ଟିମ ସହ ସହରରେ 10 ପ୍ଲାଟୁନ ଫୋର୍ସ ମୁତୟନ ସହ 24 ଘଣ୍ଟିଆ ପେଟ୍ରୋଲିଂର ବ୍ୟବସ୍ଥା ଗ୍ରହଣ କରାଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
