ସମ୍ବଲପୁର: ସହର ଜିଏମ ବିଶ୍ୱବିଦ୍ୟାଳୟ ନିକଟରେ ରହିଛି ଐତିହାସିକ ଫାଟକ ରେଳ ଷ୍ଟେସନ । ଏଠାରେ ଜାତୀୟ ପିତା ମହାତ୍ମା ଗାନ୍ଧୀ ଓହ୍ଲାଇଥିଲେ । ସେଥିପାଇଁ ଏହାର ଐତିହାସିକ ଗୁରୁତ୍ୱ ଥିବାବେଳେ ଏହି ଷ୍ଟେସନ ସହିତ ସମ୍ବଲପୁରବାସୀଙ୍କ ଭାବାବେଗ ଜଡିତ ହୋଇ ରହିଛି । ତେବେ ସମ୍ବଲପୁରର 125 ବର୍ଷ ପୁରୁଣା ରେଳ ଷ୍ଟେସନକୁ ବର୍ତ୍ତମାନ ରେଳ ବିଭାଗ ଉଚ୍ଛେଦ କରିବାକୁ ଯାଉଛି । ଯାହାକୁ ସମ୍ବଲପୁର ଯୁବ ଛାତ୍ର ବିଜେଡି ତୀବ୍ର ବିରୋଧ କରିବା ସହ ସମ୍ବଲପୁର ମୁଖ୍ୟ ରେଳ ଷ୍ଟେସନ ସମ୍ମୁଖରେ ପ୍ରତିବାଦ କରିଛି।
ସମ୍ବଲପୁର ଫାଟକ ଷ୍ଟେସନ ଉଚ୍ଛେଦକୁ ବିଜେଡିର ପ୍ରତିବାଦ
ଦାବି ପୂରଣ ନହେଲେ ଆଗାମୀ ଦିନରେ ଆନ୍ଦୋଳନକୁ ତୀବ୍ରତର କରାଯିବ ବୋଲି ଚେତାବନୀ ଦିଆଯାଇଛି । ଅନ୍ୟପଟେ ରେଳ ଲାଇନ ସମ୍ପ୍ରସାରଣ ଓ ଉନ୍ନତିକରଣ ପାଇଁ ଏହି ପଦକ୍ଷେପ ନିଆଯାଇଛି ବୋଲି ରେଳ ବିଭାଗ ପକ୍ଷରୁ କୁହାଯାଇଛି ।
ସମ୍ବଲପୁରରୁ ବାଦଶାହ ଜୁସ୍ମନ ରଣା, ଇଟିଭି ଭାରତ
