ରାୟଗଡା: ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟ ନିର୍ବାଚନ ପାଇଁ ଆଜି ନାମାଙ୍କନ ଦାଖଲର ଶେଷ ଦିନ ଥିଲା।ତେଣୁ ସବୁଦଳର ପ୍ରାର୍ଥୀମାନେ ଆଜି ନାମାଙ୍କନ ଦାଖଲ କରିଛନ୍ତି । ରାୟଗଡା ଜିଲ୍ଲାର ରାୟଗଡା ବିଧାନସଭା ପାଇଁ ଆଜି ସବୁଦଳ ପ୍ରାର୍ଥୀପତ୍ର ଦାଖଲ କରିଛନ୍ତି ।
ଶାସକ ବିଜେଡି ତରଫରୁ ଏହି ଆସନରେ ପ୍ରାର୍ଥୀ ହୋଇଛନ୍ତି ଲାଲବିହାରୀ ହିମିରିକା । ସେହିପରି ବିଜେପି ତରଫରୁ ବସନ୍ତ ଉଲ୍ଲାକା ପ୍ରାର୍ଥୀ ହୋଇଥିବାବେଳେ କଂଗ୍ରେସ ଦଳ ପକ୍ଷରୁ କାଡ୍ରକା ଆପୁଲସ୍ବାମୀ ନିର୍ବାଚନ ଲଢୁଛନ୍ତି । ଅନ୍ୟପଟେ ବହୁଜନ ସମାଜବାଦୀ ଦଳରୁ ନିର୍ବାଚନ ଲଢିବେ ପୂର୍ଣ୍ଣାବତୀ ମାଝି । ଏହାସହ ରାୟଗଡା ବିଧାନସଭା ଆସନରେ 2ଜଣ ସ୍ୱାଧୀନ ପ୍ରାର୍ଥୀ ନିର୍ବାଚନ ମଇଦାନକୁ ଓହ୍ଲାଇ ଥିବାବେଳେ କଂଗ୍ରେସରୁ ଟିକେଟ ନପାଇ ମକରନ୍ଦ ମୁଦୁଲି ବିଦ୍ରୋହୀ ଭାବେ ସ୍ୱାଧୀନ ପ୍ରାର୍ଥୀ ଭାବେ ଆଜି ନାମାଙ୍କନ ଦାଖଲ କରିଛନ୍ତି ।
ଆଜି ସମସ୍ତ ପ୍ରାର୍ଥୀ ନିଜନିଜ ସମର୍ଥକ ଓ ଦଳୀୟ ନେତାଙ୍କ ସହ ଆସି ଉପଜିଲ୍ଲାପାଳଙ୍କ କାର୍ଯ୍ୟାଳୟରେ ନାମାଙ୍କନ ପତ୍ର ଦାଖଲ କରିଥିଲେ ।
ରାୟଗଡାରୁ ରଞ୍ଜନ ରଥ, ଇଟିଭି ଭାରତ
