ରାୟଗଡା: ବିପୁଳ ପରିମାଣର ନକଲି ବିଦେଶୀ ମଦ ଜବତ । ଏଭଳି ଘଟଣା ଦେଖିବାକୁ ମିଳିଛି ରାୟଗଡା ଜିଲ୍ଲା ପଦ୍ମପୁର ବ୍ଲକ ଅନ୍ତର୍ଗତ ଅନ୍ତରଝୋଲି ଅଞ୍ଚଳରେ । ସୂଚନାନୁସାରେ ପଦ୍ମପୁର ଅବକାରୀ ବିଭାଗ ପକ୍ଷରୁ ଚଢାଉ ସମୟରେ ୧୩୦ପେଟି ବିଦେଶୀ ନକଲି ମଦ ଜବତ ହୋଇଛି ।
୧୦ଲକ୍ଷ ଟଙ୍କାର ବିଦେଶୀ ନକଲି ମଦ ଜବତ
ତେବେ ପଦ୍ମପୁର ଅବକାରୀ ଗୁଇନ୍ଦା ବିଭାଗର ଏସଆଇ ବିଶ୍ବରଞ୍ଜନ ଦାଶଙ୍କ ନେତୃତ୍ବରେ ୨ ଜଣ ସବ ଇନ୍ସପେକ୍ଟରଙ୍କ ସମେତ ୧୫ ଜଣିଆ ଟିମ ଘଟଣାସ୍ଥଳରେ ପହଁଞ୍ଚି ଅତର୍କିତ ଚଢାଉ କରିବା ଫଳରେ ୧୩୦ ପେଟି ବିଦେଶୀ ନକଲି ମଦ ଜବତ କରିଛନ୍ତି । ଯାହାର ଆନୁମାନିକ ମୂଲ୍ୟ ୧୦ ଲକ୍ଷ ୬୦ ହଜାରରୁ ଉର୍ଦ୍ଧ୍ବ ହେବ ବୋଲି ଅବକାରୀ ବିଭାଗ ସୂଚନା ଦେଇଛି ।
ସେପଟେ ଏହି ନକଲି ମଦ ରାୟଗଡା ସ୍ଥିତ ମଦ ପ୍ରସ୍ତୁତ କାରଖାନାରୁ (ଏନଡିପି) ଟିକସ ଫାଙ୍କି ଆଣିଥାଇ ପାରନ୍ତି ବୋଲି ତଦନ୍ତକାରୀ ଅଧିକାରୀଙ୍କ ସୂତ୍ରରୁ ସୂଚନା ମିଳିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
