ରାୟଗଡା: ରାଜ୍ୟରେ ଦିନକୁ ଦିନ ବୃଦ୍ଧି ପାଇବାରେ ଲାଗିଛି ହାତୀଙ୍କ ଉପଦ୍ରବ । କେତେବେଳେ ଜଙ୍ଗଲରୁ ଆସି ଚାଷ ଜମି ନଷ୍ଟ କଲେଣି ତ ପୁଣି କାହା ଘର ଭାଙ୍ଗି ଦେଲେଣି, ପୁଣି କେତେବେଳେ ହାତୀ ଆକ୍ରମଣରେ ମଣିଷର ଜୀବନ ଯାଉଛି । କିନ୍ତୁ ଏହାକୁ ରୋକିବାରେ ଫେଲ ହେଉଛି ବନବିଭାଗ । ରାୟଗଡା ଜିଲ୍ଲା କେନ୍ଦୁଗୁଡା ନିକଟସ୍ଥ ଗଜପତି ଜିଲ୍ଲା ସୀମାନ୍ତ ହସ୍ତିନାପୁର ଗ୍ରାମର ଧାନ ବିଲରେ ହାତୀ ଉପଦ୍ରଵ କରିଥିବା ଦେଖିବାକୁ ମିଳିଛି । ଫଳରେ ଗ୍ରାମରେ ଧାନ ବିଲରେ ବ୍ୟାପକ ଫସଲ ନଷ୍ଟ ହୋଇଛି ।
ରାୟଗଡାରେ ହାତୀ ଉପଦ୍ରବ, ବ୍ୟାପକ ଫସଲ ନଷ୍ଟ
ଏନେଇ ଖବର ପାଇଁ ଘଟଣାସ୍ଥଳରେ ଗୁଡାରୀ ବନଖଣ୍ଡ ଅଧିକାରୀ ସଂଘମିତ୍ରା ଭୋଇ ପହଞ୍ଚି କ୍ଷୟକ୍ଷତିର ଆକଳନ କରିବା ସହ ହାତୀର ଗତିବିଧି ଉପରେ ନଜର ରଖିଛନ୍ତି । ହସ୍ତିନାପୁର ଗ୍ରାମର ଭୂଷଣ ମାଝୀ, ଭୀମ ମାଝୀଙ୍କ ସହ ପ୍ରାୟ 10 ଜଣଙ୍କର 20ରୁ ଊର୍ଦ୍ଧ୍ବ ହେକ୍ଟର ଧାନ କ୍ଷେତରେ ଧାନ ତଳି ଖାଇ ହାତୀ ନଷ୍ଟ କରିଦେଇଥିବା ଦେଖିବାକୁ ମିଳିଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
