ରାୟଗଡା: ବକ୍ସାଇଟ ବୋଝେଇ ଟ୍ୟାଙ୍କରରେ ଅଗ୍ନିକାଣ୍ଡ । ରାୟଗଡା ଜିଲ୍ଲା ବୃନ୍ଦବାଡି ନିକଟରେ ଏଭଳି ଘଟଣା ଦେଖିବାକୁ ମିଳିଛି । ଗାଡିଟି ଟିକିରିରୁ ଝାରସୁଗୁଡା ଅଭିମୁଖେ ଯାଉଥିବା ବେଳେ ଘଟିଥିଲା ଅଗ୍ନିକାଣ୍ଡ।
ବକ୍ସାଇଟ ବୋଝେଇ ଟ୍ୟାଙ୍କରରେ ନିଆଁ
ସୂଚନାଅନୁସାରେ, ଗତକାଲି(ରବିବାର) ଏକ ବକ୍ସାଇଟ ବୋଝେଇ ଟ୍ୟାଙ୍କରଟି ଟିକିରି ଠାରୁ ଝାରସୁଗୁଡା ଅଭିମୁଖେ ଯାଉଥିବା ବେଳେ ହଠାତ ବ୍ରେକଫେଲ ହୋଇଯାଇଥିଲା । ଗାଡିଟିକୁ ଡ୍ରାଇଭର ନିଜ ବୁଦ୍ଧି ଖଟାଇ ପଛକୁ ପଛ ହୋଇ ରାସ୍ତା କଡ଼କୁ ଓହ୍ଲାଇ ଦେଇଥିଲେ ।
ହେଲେ ଟ୍ୟାଙ୍କରଟିରେ ରାସ୍ତା କଡରେ ଥିବା ଏକ ବିଦ୍ୟୁତ ତାର ସଂସ୍ପର୍ଶରେ ଆସି ନିଆଁ ଲାଗିଯାଇଥିଲା । ଖବର ପାଇ ବିଷମକଟକ ଓ କୋଲନରା ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ତେବେ ଡ୍ରାଇଭର ଜଣକୁ ସୁରକ୍ଷିତ ଭାବେ ଉଦ୍ଧାର କରାଯାଇଛି ।
ରାୟଗଡାରୁ ରଞ୍ଜନ କୁମାର ରଥ, ଇଟିଭି ଭାରତ
