ସାପ କାମୁଡ଼ାରେ ଯୁବକ ମୃତ

ପୁରୀ ସଦର ଥାନା ଅନ୍ତର୍ଗତ ଗୋରୁଆଳ ଗାଁରେ ସାପ କାମୁଡାରେ ଜଣେ ଯୁବକଙ୍କ ମୃତ୍ୟୁ ହୋଇଛି । ଅଧିକ ପଢନ୍ତୁ...

ବ୍ରହ୍ମଗିରି: ପୁରୀ ଜିଲ୍ଲା ସଦର ଥାନା ଅନ୍ତର୍ଗତ ଗୋରୁଆଳ ଗାଁରେ ଅଘଟଣ । ଆଜି (ସୋମବାର) ବାଡ଼ିରେ ବୁଲୁଥିବା ସମୟରେ ବିଷଧର ସାପ କାମୁଡାରେ ଜଣେ ଯୁବକଙ୍କର ମୃତ୍ୟୁ ହୋଇଛି । ମୃତ ଯୁବକ ହେଲେ ପ୍ରସାଦ କୁମାର ପରିଡା ।

ତେବେ ପ୍ରସାଦଙ୍କୁ ସାପ କାମୁଡ଼ିଥିବା ଜାଣିପାରି ପରିବାର ଲୋକେ ତୁରନ୍ତ ସଦର ମୁଖ୍ୟ ଚିକିତ୍ସାଳୟକୁ ନେଇ ଯାଇଥିଲେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ପ୍ରସାଦଙ୍କ ଦୁଇଟି ଛୋଟ ଛୁଆ ଥିବା ବେଳେ ମାସକ ତଳେ କୋଭିଡରେ ତାଙ୍କ ବାପାଙ୍କ ମୃତ୍ୟୁ ହୋଇଥିଲା। ଏହି ଖବରପାଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।

ବ୍ରହ୍ମଗିରିରୁ ଦେବାଶିଷ ଦାସ, ଇଟିଭି ଭାରତ