ପୁରୀ: ଜିଲ୍ଲାର ସମୁଦ୍ରକୂଳ ଥାନା ଅନ୍ତର୍ଗତ ସିଟି ରୋଡ ଅଞ୍ଚଳରେ ଥିବା ଏକ ଘରୋଇ ହୋଟେଲରେ ଜଣେ ବ୍ୟକ୍ତିଙ୍କ ସନ୍ଦେହଜନକ ମୃତ୍ୟୁ ହୋଇଛି । ଉକ୍ତ ବ୍ୟକ୍ତି ଜଣଙ୍କ ସେହି ହୋଟେଲରେ ଦୀର୍ଘ 15 ବର୍ଷ ଧରି ମ୍ୟାନଜର ଭାବେ କାର୍ଯ୍ୟରତ ଥିଲେ । ତାଙ୍କ ନାଁ ବସନ୍ତ ସେଠୀ ବୋଲି ଜଣାପଡିଛି ।
ହୋଟେଲ ମ୍ୟାନେଜରଙ୍କ ସନ୍ଦେହଜନକ ମୃତ୍ୟୁ
ଗତକାଲି ରାତିରୁ ସେ ନିଜ ପରିବାର ଲୋକଙ୍କ ଫୋନ ଉଠାଉ ନଥିଲେ । ପରେ ଘର ଲୋକେ ହୋଟେଲ ଯାଇ ଦେଖିବା ବେଳକୁ ସେ ରୁମ ନମ୍ବର 301ରେ ରକ୍ତାକ୍ତ ଅବସ୍ଥାରେ ତଳେ ପଡ଼ିଥିଲେ । ତାଙ୍କୁ କେହି ହତ୍ୟା କରିଥିବା ଘର ଲୋକ ଅଭିଯୋଗ କରିଥିବାବେଳେ ଘଟଣାସ୍ଥଳରେ ପୋଲିସ ଓ ଫରେନସିକ ବିଭାଗ ପହଞ୍ଚି ଛାନଭିନ ଆରମ୍ଭ କରିଛି । ବ୍ୟବଚ୍ଛେଦ ରିପୋର୍ଟ ଆସିବା ପରେ ସବୁ କିଛି ସ୍ପଷ୍ଟ ହେବ ବୋଲି କହିଛି ପୋଲିସ ।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
