ପୁରୀ: ଆୟ ବହିର୍ଭୂତ ସମ୍ପତ୍ତି ଠୁଳ ମାମଲାରେ ପୁରୀ ପୌରପାଳିକାର ICDS କିରାଣି କୃଷ୍ଣଚନ୍ଦ୍ର ଜେନାଙ୍କୁ ଗିରଫ କରିଛ ଭିଜିଲାନ୍ସ। କୃଷ୍ଣଚନ୍ଦ୍ରଙ୍କ ୧.୫୭ କୋଟି ଟଙ୍କାର ଆୟ ବହିର୍ଭୂତ ସମ୍ପତ୍ତି ଜବତ ହୋଇଛି। ଅଗଷ୍ଟ ୨୪ ଯାଏଁ ବିଚାର ବିଭାଗୀୟ ହାଜତକୁ ଯାଇଛନ୍ତି କୃଷ୍ଣଚନ୍ଦ୍ର । ସେ ପୁରୀ ଜିଲ୍ଲା ଶିଶୁ ବିକାଶ ଅଧିକାରୀଙ୍କ କାର୍ଯ୍ୟାଳୟର କିରାଣୀ ଥିଲେ ।
ତାଙ୍କ ଘରେ ଭିଜିଲାନ୍ସ ପକ୍ଷରୁ ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଗତକାଲି ରେଡ ହୋଇଥିଲା। ପୁରୀରେ କୃଷ୍ଣଚନ୍ଦ୍ର ଜେନାଙ୍କ ଶ୍ରୀ ଗୁଣ୍ଡିଚା ବିହାର ଘର, ବ୍ରହ୍ମଗିରି ପୈତୃକ ବାସଭବନ ଏବଂ ଭୁବନେଶ୍ୱରର ନୂଆ ଗାଁରେ ଥିବା ୩ ମହଲା କୋଠାରେ ରେଡ୍ କରାଯାଇଛି ।
ପୁରୀ ଭିଜିଲାନ୍ସ ମିଳିତ ଚଢାଉ କରିଥିଲେ । ତିନୋଟି ଟିମ ଦ୍ବାରା ସକାଳୁ ଚଢାଉ ଜାରି ହୋଇଥିଲା। ଛତୁଆ ଦୁର୍ନୀତି ଅଭିଯୋଗ ତାଙ୍କ ବିରୋଧରେ ମଧ୍ୟ ଆସିଥିଲା। ତା’ସହ ଶିଶୁ ବିକାଶ କାର୍ଯ୍ୟରେ ଆସୁଥିବା ଅନେକ ଯୋଜନାର ଟଙ୍କା ହେରଫେର କରି ସମ୍ପତ୍ତି ଠୁଳ ଅଭିଯୋଗ ହୋଇଥିଲା।
ପୁରୀରୁ ଶକ୍ତି ପ୍ରସାଦ ମିଶ୍ର, ଇଟିଭି ଭାରତ
