ପୁରୀ: ବସ୍ତି ଉଚ୍ଛେଦକୁ ବିରୋଧ । ପୁରୀ ରାମ ମନ୍ଦିର ନିକଟରେ ଥିବା ଜାଲି ସାହି ବସ୍ତିକୁ କରାଯିବା ଉଚ୍ଛେଦ । ଏନେଇ ପୁରୀ ପୌରପାଳିକା ପକ୍ଷରୁ ନୋଟିସ ଜାରି ହୋଇଛି । ତେବେ ବସ୍ତି ବାସିନ୍ଦାଙ୍କ ସହ ଆଲୋଚନା କରା ନଯାଇ ଉଚ୍ଛେଦ ପାଇଁ ନୋଟିସ ହୋଇଥିବାରୁ ବସ୍ତି ବାସିନ୍ଦା ଉଚ୍ଛେଦକୁ କଡ଼ା ବିରୋଧ କରିଛନ୍ତି । ତେବେ ରାସ୍ତା ଓ ଡ୍ରେନ୍ ନିର୍ମାଣ ଆଳରେ ଶତାଧିକ ଘର ଭାଙ୍ଗିବାକୁ ପ୍ରଶାସନର ଯୋଜନାକୁ ବସ୍ତି ବାସିନ୍ଦା ବିରୋଧ କରିଛନ୍ତି । ବସ୍ତିକୁ ରାସ୍ତା ଥିବା ବେଳେ ଆଉ ରାସ୍ତାର ଆବଶ୍ୟକ ନାହିଁ । ହେଲେ ପୁରୀ ପୌରପାଳିକା ଜଣେ ଅଫିସରଙ୍କ ଘରକୁ ରାସ୍ତା ଯିବା ପାଇଁ 50ରୁ ଅଧିକ ପରିବାରର ଘର ଭାଙ୍ଗିବା କିଭଳି ଉଚିତ ବୋଲି ପ୍ରଶ୍ନ ଉଠିଛି ।
ସେହିପରି ପୁର୍ବରୁ ଏନେଇ ବସ୍ତି ବାସିନ୍ଦା ପୌର ନିର୍ବାହୀ ଅଧିକାରୀଙ୍କ ସହ ଆଲୋଚୋନା କରିଥଲେ । ତେବେ ବସ୍ତି ବାସିନ୍ଦାଙ୍କ ଅଭିଯୋଗର ଶୁଣାଣି ନକରି ପୁରୀ ପୌର ଅଧିକାରୀ ତାଙ୍କ କର୍ମଚାରୀଙ୍କ ବ୍ୟକ୍ତିଗତ ସ୍ବାର୍ଥ ପାଇଁ ସମୂହ ସ୍ବାର୍ଥ ଭୁଲି ଯାଇ ବସ୍ତି ପାଇଁ ଉଚ୍ଛେଦ ନୋଟିସ ଦେଇଥିବା ଅଭିଯୋଗ ହୋଇଛି । ତେବେ ପୁରୀ ଜିଲ୍ଲାପାଳ ବସ୍ତି ବାସିନ୍ଦାଙ୍କ ସମସ୍ୟା ନବୁଝିଲେ ଏବଂ ଉଚ୍ଛେଦ ବନ୍ଦ ନକଲେ ଆଗାମୀ ଦିନରେ ବସ୍ତି ବାସିନ୍ଦା ବ୍ୟାପକ ଆନ୍ଦୋଳନ କରିବେ ବୋଲି ଚେତା ଚେତାବନୀ ଦେଇଛନ୍ତି ।
ଏନେଇ ବୁଦ୍ଧିଜୀବୀ କହିଛନ୍ତି, "ରାତି ଅଧରେ ଏକ ନୋଟିସ ଦେଇଛନ୍ତି ଯେ ରାସ୍ତା ତିଆରି ଓ ଡ୍ରେନ ପାଇଁ ଜାଲି ସାହି ବସ୍ତି ଭଙ୍ଗା ହେବ । ପୁରୀ ମୁନିସିପାଲଟିର ଇଞ୍ଜିନିୟର ଦେବବ୍ରତ୍ତ ଷଡଙ୍ଗୀ ଯିଏକି ନିଜର ବ୍ୟକ୍ତିଗତ ସ୍ବାର୍ଥ ପାଇଁ ଏଭଳି କାର୍ଯ୍ୟ କରିଛନ୍ତି ।"
ଇଟିଭି ଭାରତ, ପୁରୀ
