ନୂଆପଡା: ଖଡ଼ିଆଳ ସ୍ଥିତ ସୁନା ଦୋକାନରୁ ଡକାୟତି ଉଦ୍ୟମ । ଦିନ ଦ୍ବିପ୍ରହରରେ ଦୁର୍ବୃତ୍ତମାନେ ଗହଣା ଦୋକାନରୁ ସୁନା ଅଳଙ୍କାର ଲୁଟ କରିବା ନେଇ ଅଭିଯୋଗ ହୋଇଛି । ଦୋକାନ ମାଲିକଙ୍କୁ ବନ୍ଧୁକ ଦେଖାଇ ଲୁଟ କରିବାକୁ ଉଦ୍ୟମ କରିଥିଲେ । ଖବର ପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି ।
ଏହା ମଧ୍ୟ ପଢ଼ନ୍ତୁ: ଦିନ ଦ୍ବିପ୍ରହରେ ସୁନା ଦୋକାନରେ ଡକାୟତି, ୧୫କୋଟିର ଅଳଙ୍କାର ଲୁଟିଲେ ଦୁର୍ବୃତ୍ତ
ସୂଚନା ଅନୁଯାୟୀ, ଖଡ଼ିଆଳ ସହର ଆଜାଦ ଚୌକ ପଟରୁ ନୀଳ ରଙ୍ଗର ଏକ ମୋଟର ସାଇକେଲରେ ତିନି ଜଣ ଡକାୟତ ମୁହଁରେ କପଡା ବାନ୍ଧି କୈଳାସ ସୁନାଗହଣା ଦୋକାନ ଭିତରକୁ ପଶିଥିଲେ । ମାଲିକ ବଜୁ ଅଗ୍ରୱାଲଙ୍କୁ ଦେଶୀ ବନ୍ଧୁକ ଓ ଧାରୁଆ ଅସ୍ତ୍ର ଦେଖାଇ ସୁନା ଗହଣା ଲୁଟିବାକୁ ଉଦ୍ୟମ କରିଥିଲେ । ସେ ଚିତ୍କାର କରିବାରୁ ତିନିଜଣ ଡକାୟତ ତରବରିଆ ଭାବରେ ଗହଣା ଦୋକାନରୁ ବାହାରି ମୋଟର ସାଇକଲରେ ସିନାପାଲି ରାସ୍ତା ପଟକୁ ଫେରାର ହୋଇଯାଇଥିଲେ । ଖବର ପାଇ ଖଡ଼ିଆଳ ପୋଲିସ ତତ୍କାଳୀନ ସୁନା ଗହଣା ଦୋକାନକୁ ପହଞ୍ଚି ଛାନ ଭିନ ଆରମ୍ଭ କରିଥିଲା । ତେବେ ଦୋକାନରୁ କୌଣସି ଗହଣା ଚୋରି ହୋଇନଥିବା ପ୍ରାଥମିକ ତଦନ୍ତରେ ଜଣାପଡ଼ିିଛି । ଅପରପକ୍ଷେ ଡକାୟତ ମାନଙ୍କୁ ଗିରଫ କରିବାପାଇଁ ଖଡ଼ିଆଳ ପୋଲିସ ସହରର ବିଭିନ୍ନ ସ୍ଥାନରେ ଛାନଭିନ କରିଛି ।
