ନୂଆପଡା: ଜିଲ୍ଲା ନ୍ୟାସନାଲ କଲେଜ ଟିଏମସି ସେଣ୍ଟରରେ ପ୍ରବାସୀ ଓଡ଼ିଆ ଶ୍ରମିକ ଅଶାନ୍ତ । ପିଇବା ଗାଧୋଇବା ପାଣି ସମେତ ଖାଇବା ସମସ୍ୟା ଥିବା ଅଭିଯୋଗ ହୋଇଛି। ଫଳରେ ଶ୍ରମିକମାନେ କଲେଜ କ୍ୟାମ୍ପସ ଟିଏମସି ଛାଡି 353 ଜାତୀୟ ରାଜପଥ ଅବରୋଧ କରିଥିବା ଜଣାପଡିଛି । ଫଳରେ ଯାନବାହନ ଯାତାୟତରେ ବାଧାପ୍ରାପ୍ତ ହୋଇଛି ।
ସୂଚନାନୁଯାୟୀ, ପ୍ରବାସୀ ଶ୍ରମିକଙ୍କୁ ପ୍ରଶାସନ ପକ୍ଷରୁ ଗତକାଲି ନୂଆପଡା ସଦର ବସଷ୍ଟାଣ୍ଡକୁ ଅଣାଯାଇଥିଲା । ପରେ ଏକ ବସ ଯୋଗେ ନ୍ୟାସନାଲ କଲେଜ ଟିଏମସି ସେଣ୍ଟରରେ ପହଞ୍ଚାଇଥିଲା ପ୍ରଶାସନ । ହେଲେ ଟିଏମସି ସେଣ୍ଟରରେ ପାଣିର ଘୋର ସମସ୍ୟା ଥିବାବେଳେ, ଖାଇବା ଅସୁବିଧା ଥିବା ଅଭିଯୋଗ କରି ଶନିବାର ସକାଳେ ଶ୍ରମିକଙ୍କ ମଧ୍ୟରେ ଦେଖାଦେଇଛି ଉତ୍ତେଜନା ।
ସେହିଭଳି କୌଣସି ପ୍ରଶାସନିକ ଅଧିକାରୀ ତାଙ୍କ ସମସ୍ୟା ବୁଝିବାକୁ ପାଖରେ ନଥିବା କହିଛନ୍ତି ଶ୍ରମିକ । ଜିଲ୍ଲା ପ୍ରଶାସନ ତୁରନ୍ତ ହସ୍ତକ୍ଷେପ କରି ଶ୍ରମିକଙ୍କ ସମସ୍ୟା ପ୍ରତି ଧ୍ୟାନଦେବାକୁ ସାଧାରଣରେ ଦାବି ହେଉଛି ।
ନୂଆପଡାରୁ ମୋତିଲାଲ ବାଗ, ଇଟିଭି ଭାରତ
