ନୂଆପଡା: ପ୍ରତିଦିନ ଆମେ ମଣିଷ ଓ ବନ୍ୟଜନ୍ତୁ ଲଢେଇର କଥା ଶୁଣୁ କିନ୍ତୁ ଆଜି ଏକ ଆଶ୍ଚର୍ଯ୍ୟଜନକ ଘଟଣା ଦେଖିବାକୁ ମିଳିଛି । ମଣିଷ ହାତରୁ ନଡ଼ିଆ ଭୋଗ ଖାଉଛି ଜଙ୍ଗଲି ଭାଲୁ । କଥାଟି ଶୁଣିବାରେ ଅବିଶ୍ବାସ ଲାଗୁଥିଲେ ମଧ୍ୟ ଏହା ସତ । ଏଭଳି ଆଶ୍ଚର୍ଯ୍ୟ ଘଟଣାଟି ଦେଖିବାକୁ ମିଳିଛି ନୂଆପଡା ଜିଲ୍ଲା ସାଲିହା ଗୋଡଫୁଲା ଗ୍ରାମପଞ୍ଚାୟତକୁ ଲାଗିରହିଥିବା ଛୋ ଛୋଆରୀ ଡୁଙ୍ଗରି ପାହାଡରେ ।
ନୂଆପଡା ବନାଞ୍ଚଳ ଅଧିନସ୍ଥ ଏହି ପାହାଡ଼ ଶୀର୍ଷ ଗୁମ୍ଫା ଭିତରେ ରହିଛି ଇଷ୍ଟଦେବୀ ମାଁ ଛୁଆରୀ ଦେବୀଙ୍କ ଆସ୍ଥାନ। ସ୍ଥାନୀୟ ଲୋକମାନେ ମା’ଙ୍କୁ ସକାଳ ସନ୍ଧ୍ୟା ସମୟରେ ଯଥା ରୀତିନୀତି ଅନୁସାରେ ପୂଜାର୍ଚ୍ଚନା କରିଥାନ୍ତି । ମା’ ଛୁଆରୀ ଦେବୀ ମନସ୍କାମନା ପୂରଣ କରନ୍ତି ବୋଲି ସ୍ଥାନୀୟ ଲୋକଙ୍କ ଯୁଗେ ଯୁଗେ ବିଶ୍ବାସ ରହିଛି । ପ୍ରତିଦିନ ମା’ଙ୍କ ପୂଜା ଆରମ୍ଭ ହେବା ମାତ୍ରେ ଦେଲେ ଜଙ୍ଗଲି ଭାଲୁ ଦେବୀଙ୍କ ପୀଠକୁ ଆସନ୍ତି । କାହାର କିଛି କ୍ଷତି ନ କରି ଶ୍ରଦ୍ଧାଳୁଙ୍କ ହାତରୁ ପ୍ରତିଦିନ ନଡ଼ିଆ ଭୋଗ ଖାଉଥିବା ଘଟଣା ଲୋକଙ୍କୁ ଆଶ୍ଚର୍ଯ୍ୟ କରିଦେଇଛି । ମା’ଙ୍କ କୃପାରୁ ଜଙ୍ଗଲି ଭାଲୁ ଭୋଗ ଖାଇ ଜଙ୍ଗଲ ଭିତରକୁ ଚାଲିଯାଏ । ଏଯାଏଁ କୌଣସି ଲୋକଙ୍କ କ୍ଷତି କରିନଥିବା ସ୍ଥାନୀୟ ଲୋକେ ପ୍ରକାଶ କରିଛନ୍ତି ।
ନୂଆପଡାରୁ ମୋତିଲାଲ ବାଗ,ଇଟିଭି ଭାରତ
