ନୟାଗଡ଼: କୁକୁରଙ୍କ କବଳରୁ କୁକୁଡ଼ାଙ୍କୁ ରକ୍ଷା ପାଇଁ ଲାଗିଥିବା ବିଦ୍ୟୁତ ସଂସ୍ଫର୍ଶରେ ଆସି ଯୁବକ ମୃତ । ଏଭଳି ଅଭାବନୀୟ ଘଟଣା ସାମ୍ନାକୁ ଆସିଛି ନୟାଗଡ଼ ଜିଲ୍ଲା ଇଟାମାଟି ଥାନା ବାଲିକୁଦିଆ ଗାଁରୁ l ନିଜ ଚାଷ ଜମିକୁ ଯାଇଥିବାବେଳେ ବିଦ୍ୟୁତ ସଂସ୍ପର୍ଶରେ ଆସିଛନ୍ତି ଯୁବକ ।
କୁକୁଡ଼ା ଫାର୍ମରେ ଲାଗିଥିବା ବିଦ୍ୟୁତ ସଂସ୍ପର୍ଶରେ ଆସି ଚାଲିଗଲା ଜଣେ ବ୍ୟକ୍ତିଙ୍କ ଜୀବନ
ଗାଁର ଚାଷ ଜମି ମଝିରେ ଥିବା ଏକ କୁକୁଡ଼ା ଫାର୍ମର ମାଲିକ କୁକୁରଙ୍କୁ ମାରିବାକୁ ଫାର୍ମ ବାଡ଼ରେ ବିଦ୍ୟୁତ ତାର ସଂଯୋଗ କରି ରଖିଥିଲେ l ତେବେ କ୍ଷେତରେ କାମ କରିବାକୁ ଯାଉଥିବା ଗାଁର 33 ବର୍ଷୀୟ ସୋମନାଥ ମୁଦୁଲି ଏହି ବିଦ୍ୟୁତ ତାର ସଂସ୍ପର୍ଶରେ ଆସିଥିଲେ l ଫଳରେ ଘଟଣାସ୍ଥଳରେ ମୃତ୍ୟୁବରଣ କରିଛନ୍ତି l
ତେବେ ଏନେଇ ଥାନାରେ କୌଣସି ଅଭିଯୋଗ ହୋଇ ନ ଥିବା ବେଳେ ମୃତଦେହ ଚାଷ ଜମିରେ ପଡିରହିଛି । ତେବେ ଏହି ଘଟଣାକୁ ନେଇ ସ୍ଥାନୀୟ ଅଞ୍ଚଳରେ ଶୋକର ଛାୟା ଖେଳିଯାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
