ନୟାଗଡ: ନୟାଗଡ଼ରେ କୃଷି ମନ୍ତ୍ରୀଙ୍କ ସମୀକ୍ଷା ବୈଠକ । ନିଜ ନିର୍ବାଚନ ମଣ୍ଡଳୀର ସମୀକ୍ଷା କରିଛନ୍ତି କୃଷି ମନ୍ତ୍ରୀ । ଡ଼ିଆରଡ଼ିଏ ସୃଜନ ଗୃହରେ ମନ୍ତ୍ରୀଙ୍କ ସମୀକ୍ଷା । ନୟାଗଡ଼ ନିର୍ବାଚନ ମଣ୍ଡଳୀର 2ଟି ବ୍ଲକକୁ ନେଇ ସମୀକ୍ଷା ବୈଠକ ଅନୁଷ୍ଠିତ ହୋଇଯାଇଛି । ଓଡଗାଁ ଏବଂ ନୟାଗଡ଼ ବ୍ଲକର ବହୁ ପ୍ରକଳ୍ପ ଓ କାର୍ଯ୍ୟର ସମୀକ୍ଷା କରିଥିଲେ ଜିଲ୍ଲା ସ୍ତରୀୟ ଅଧିକାରୀ ଏବଂ ମନ୍ତ୍ରୀ ।
କୃଷି ମନ୍ତ୍ରୀ ଅରୁଣ ସାହୁ ଉପସ୍ଥିତ ରହି ସମସ୍ତ ଅଧିକାରୀଙ୍କ ସହ ଆଲୋଚନା କରିଥିଲେ । କେଉଁ କାର୍ଯ୍ୟ ହେଲା ଏବଂ କେଉଁ କାର୍ଯ୍ୟ ବାକି ରହିଛି, ତାହା ପଚାରି ବୁଝିଥିଲେ । ସବୁ ବିଭାଗର କାର୍ଯ୍ୟକୁ ସମୀକ୍ଷା କରାଯାଇଥିଲା । ଯେଉଁ ଆର୍ଥିକ ବର୍ଷରେ ପ୍ରକଳ୍ପ ସାରିବାକୁ ଧାର୍ଯ୍ୟ କରାଯାଇଛି ସେହି ବର୍ଷ ମଧ୍ୟରେ ସାରିବାକୁ କହିଥିଲେ ।
ଏଥିରେ ଅବହେଳା କଲେ ଅଧିକାରୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ନିଆଯିବ ବୋଲି ସେ କହିଛନ୍ତି । ବାକି ଥିବା କାମ ତୁରନ୍ତ ସାରିବାକୁ ନିର୍ଦେଶ ଦେଇଛନ୍ତି ମନ୍ତ୍ରୀ । ଏଥିରେ ଓଡଗାଁ ଏବଂ ନୟାଗଡ଼ ବ୍ଲକ ଅଧିକାରୀ ଏବଂ ଜିଲ୍ଲା ସ୍ତରୀୟ ଅଧିକାରୀମାନେ ଉପସ୍ଥିତ ଥିଲେ ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
