ନୟାଗଡ଼: ଲଘୁଚାପ ବର୍ଷା ଫଳରେ ନୟାଗଡ ଜିଲ୍ଲାରେ ମରୁଡି ସ୍ଥିତିରେ ସାମାନ୍ୟ ସୁଧାର ଆସିଛି l ଜିଲ୍ଲାର ଚାଷୀଙ୍କ ମହଲରେ ଖୁସି ଖେଳିଯାଇଛି l
ଚାଷ କାର୍ଯ୍ୟ ଆଗେଇଛି l ଜିଲ୍ଲାର ବିଭିନ୍ନ ସ୍ଥାନରେ ତୁହାକୁ ତୁହା ବର୍ଷା ହୋଇଛି l ଜମିରେ ପାଣି ଜମିଛି l ସେପଟେ ଦିନ ତମାମ ବର୍ଷା ଲାଗିରହିଥିବାରୁ ତଳିଆ ଅଞ୍ଚଳରେ ପାଣି ଜମିବା ଆଶଙ୍କା ଦେଖାଦେଇଛି l ଲଘୁଚାପ ବର୍ଷା ଯୋଗୁଁ କଚାଘର ପ୍ରତି ବିପଦ ସୃଷ୍ଟି ଆଶଂକା ରହିଥିବାରୁ ଲୋକଙ୍କୁ ସତର୍କ ରହିବା ପାଇଁ ଜିଲ୍ଲା ପ୍ରଶାସନ ପକ୍ଷରୁ କୁହାଯାଇଛି l ପ୍ରାକୃତିକ ବିପର୍ଯ୍ୟୟ ମୁକାବିଲା ପାଇଁ ଜିଲ୍ଲାର ଆଠଟି ଯାକ ବ୍ଲକର ବିଡ଼ିଓ ଓ ସମସ୍ତ ତହସିଲଦାରଙ୍କୁ ସଜାଗ ରହିବା ପାଇଁ ଜିଲ୍ଲାପାଳ ନିର୍ଦ୍ଦେଶ ଦେଇଛନ୍ତି l
ନୟାଗଡ଼ରେ ବର୍ଷା ଚାଷୀ ମହଲରେ ଖୁସି
ସୂଚନାଥାଉକି ଆସନ୍ତା ୨୪ ଘଣ୍ଟାରେ ରାଜ୍ୟର ୭ ଟି ଜିଲ୍ଲାରେ ପ୍ରବଳ ବର୍ଷା ହେବା ନେଇ ପାଣିପାଗ ବିଭାଗ ସୂଚନା ଦେଇଛି। ଗତ ତିନି ମାସ ଅପେକ୍ଷା ସେପ୍ଟେମ୍ବର ମାସରେ ରାଜ୍ୟରେ ବର୍ଷାର ପରିମାଣ ବୃଦ୍ଧି ପାଇଛି ।
ନୟାଗଡରୁ ଜୟେନ୍ଦ୍ର ବେହେରା, ଇଟିଭି ଭାରତ
