ନୟାଗଡ଼: ଶରଣକୁଳ ଥାନା ଅଞ୍ଚଳରେ ଘର ଭିତରେ ବଧୂଙ୍କ ମୃତଦେହ ଝୁଲିବା ଘଟଣାର ପର୍ଦ୍ଦାଫାସ କରିଛି ପୋଲିସ । ବଧୂ ସସ୍ମିତାଙ୍କୁ ତାଙ୍କ ସ୍ବାମୀ ଏବଂ 4 ସୁପାରି କିଲର ଯୋଜନାବଦ୍ଧ ଭାବେ ହତ୍ୟା କରି ଘର ଭିତରେ ଝୁଲାଇ ଦେଇଥିବା ପୋଲିସ ସୂଚନା ଦେଇଛି । ତେବେ ଗତ ଜାନୁଆରୀ 29 ତାରିଖରେ ଶରଣକୁଳ ସୁଆର ସାହିର ଅଖି ମହାପାତ୍ରଙ୍କ ପତ୍ନୀ ସଶ୍ମିତା ମହାପାତ୍ରଙ୍କ ମୃତଦେହ ଘର ଭିତରେ ଝୁଲନ୍ତା ଅବସ୍ଥାରେ ମିଳିଥିଲା । ପୋଲିସ ମୃତଦେହ ଜବତ କରି ବ୍ୟବଚ୍ଛେଦ କରିବା ପରେ ସସ୍ମିତାଙ୍କୁ ହତ୍ୟା କରାଯାଇଥିବା ଜଣା ପଡିଥିଲା।
ତେବେ ସସ୍ମିତାଙ୍କ ସ୍ବାମୀ ଅଖିଙ୍କର ଅନ୍ୟ ଜଣେ ଯୁବତୀଙ୍କ ସହ ପ୍ରେମ ସମ୍ପର୍କ ଥିବା ନେଇ ଉଭୟ ପତି ପତ୍ନୀଙ୍କ ମଧ୍ୟରେ କଳହ ହେଉଥିଲା । ଏହି କାରଣରୁ ଅଖି ନିଜ ପତ୍ନୀଙ୍କୁ ଯୋଜନାବଦ୍ଧ ଭାବେ ହତ୍ୟା କରି ଆତ୍ମହତ୍ୟାର ରୂପ ଦେବା ପାଇଁ ମୃତଦେହକୁ ଘର ଭିତରେ ଝୁଲାଇ ଦେଇଥିଲେ । ଏହି ଘଟଣାରେ ପୂର୍ବରୁ ଅଖିଙ୍କୁ ଗିରଫ କରାଯାଇ କୋର୍ଟ ଚାଲାଣ କରାଯାଇଥିବା ବେଳେ ଆଜି ଅନ୍ୟ 4 ଜଣ ଅଭିଯୁକ୍ତଙ୍କୁ ନେଇ କ୍ରାଇମ ରି କ୍ରିଏସନ କରିବ ପୋଲିସ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
