ନୟାଗଡ: ଦଣ୍ଡ ଶୋଭାଯାତ୍ରା ବେଳେ ସାମାନ୍ୟ ବଚସାକୁ ନେଇ ଦୁଇ ଗାଁ ମଧ୍ୟରେ ସଂଘର୍ଷ । ଟେକାପଥର ମାଡରେ ଜଣେ ଯୁବକ ମୃତ୍ୟୁ ହୋଇଛି । ଟାଉନ ଥାନା ମହିଳା ଆଇଆଇସିଙ୍କ ସହ 8ରୁ ଅଧିକ ଆହତ ହୋଇଛନ୍ତି ।
ସାମାନ୍ୟ ବଚସାରୁ ଗୋଷ୍ଠୀ ସଂଘର୍ଷ: ଜଣେ ମୃତ, IICଙ୍କ ସମେତ 8 ଆହତ
ସୂଚନା ଅନୁସାରେ ନୟାଗଡ଼ ଟାଉନଥାନା ଦେଉଳପଲ୍ଲୀ ଗାଁ ନିକଟରେ ଦଣ୍ଡ ଶୋଭାଯାତ୍ରା ବାହାରିଥିଲା । ରାତିରେ ଶୋଭାଯାତ୍ରା ହେଉଥିବା ସମୟରେ ସାମାନ୍ୟ ବଚସାକୁ ନେଇ ଦେଉଳପଲ୍ଲୀ ଓ ଦୁର୍ଗାପ୍ରସାଦ ଗାଁ ମଧ୍ୟରେ ସଂଘର୍ଷ ହୋଇଥିଲେ । ଏଥିରେ ଦୁର୍ଗାପ୍ରସାଦ ଗାଁର ନବୀନ ପରିଡାଙ୍କ ମୃତ୍ୟୁ ହୋଇଥିଲା । ଆହତମାନଙ୍କୁ ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି । ଉତ୍ତେଜନାକୁ ଦୃଷ୍ଟିରେ ରଖି ଉଭୟ ଗାଁରେ ପୋଲିସ ମୁତୟନ କରାଯାଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
