ନୟାଗଡ଼: ସାରା ରାଜ୍ୟରେ ଚାଲିଛି ତ୍ରିସ୍ତରୀୟ ପଞ୍ଚାୟତ ନିର୍ବାଚନ ପାଇଁ ପ୍ରାର୍ଥୀପତ୍ର ଦାଖଲ। ଗତ ସୋମବାରଠାରୁ ଆରମ୍ଭ ହୋଇଥିବା ନାମାଙ୍କନ ଦାଖଲ ପ୍ରକ୍ରିୟାରେ ରାଜନୈତିକ ଦଳ ମଧ୍ୟରେ ଟଣାଓଟରା ଦେଖାଦେଇଛି । ହେଲେ ଦ୍ବିତୀୟ ଦିନରେ ମଧ୍ୟ ନୟାଗଡ଼ରେ ଜିଲ୍ଲା ପରିଷଦ ପାଇଁ କେହି ଫର୍ମ ପୂରଣ କରି ନଥିବା ଦେଖିବାକୁ ମିଳିଛି ।
ନୟାଗଡ଼ ଜିଲ୍ଲାରେ ବିଜେପି ଏବଂ ବିଜେଡି ତରଫରୁ ଜିଲ୍ଲାପରିଷଦ ପ୍ରାର୍ଥୀ ମାନେ ଏଯାବତ ପ୍ରାର୍ଥିପତ୍ର ଦାଖଲ କରିନାହାନ୍ତି l ଦ୍ବିତୀୟ ଦିନରେ ଖାଲି ପଡିଛି ଜିଲ୍ଲା ପରିଷଦ ପ୍ରାର୍ଥୀ ପତ୍ର ଦାଖଲ l ସେପଟେ ପଞ୍ଚାୟତ ନିର୍ବାଚନ ପାଇଁ ରାଜନୈତିକ ଦଳ ମଧ୍ୟରେ ରାଜନୀତି ସରଗରମ ହୋଇଛି l ଦ୍ବିତୀୟ ଦିନରେ ଜିଲ୍ଲାରୁ ସରପଞ୍ଚ ପଦବୀ ପାଇଁ 36ଜଣ ପ୍ରାର୍ଥୀ ନାମାଙ୍କନ ଦାଖଲ କରିଛନ୍ତି। ସେହିଭଳି ସମିତି ସଭ୍ୟ ପ୍ରାର୍ଥୀ 31ଜଣ, ୱାର୍ଡ ସଭ୍ୟ ପ୍ରାର୍ଥୀ 463ଜଣ ପ୍ରାର୍ଥୀପତ୍ର ଦାଖଲ କରିଛନ୍ତି l
ସୂଚନାଯୋଗ୍ୟ, ପ୍ରଥମ ଦିନରେ ଜିଲ୍ଲାରେ ୨୧୯ ଜଣ ୱାର୍ଡ଼ ସଭ୍ୟ, ୧୯ ଜଣ ସରପଞ୍ଚ, ୭ ଜଣ ସମିତି ସଭ୍ୟ ଏବଂ ୨ ଜଣ ଜିଲ୍ଲା ପରିଷଦ ପ୍ରାର୍ଥୀ ନାମାଙ୍କନ ପତ୍ର ଦାଖଲ କରିଥିବା ସୂଚନା ମିଳିଛି l ତେବେ ଆଜି(ବୁଧବାର) ବିଜେପି ଏବଂ ବିଜେଡି ଦଳ ତରଫରୁ ଜିଲ୍ଲା ପରିଷଦ ପ୍ରାର୍ଥୀ ଘୋଷଣା ହେବା ନେଇ ସୂଚନା ମିଳିଛି।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
