ନୟାଗଡ: ନୟାଗଡ଼ ଜିଲ୍ଲା ଟାଉନ ଥାନା ଅନ୍ତର୍ଗତ ରତନପୁରଠାରେ ନିର୍ମାଣଧୀନ ଘରେ ଅଟୋ ଚାଳକ ସରୋଜ ମହାନ୍ତି ହତ୍ୟା ଘଟଣାର ଅଭିଯୁକ୍ତକୁ ପୋଲିସ ଗିରଫ କରିଛି । ଗିରଫ ବ୍ୟକ୍ତି ସିନ୍ଦୁରିଆ ଗ୍ରାମ ମଝିସାହିର ହାମିଲ୍ ମଲ୍ଲିକ ଓରଫ କାଳିଆ ।
ତେବେ ପୋଲିସ ସାଇଣ୍ଟିଫିକ୍ ଟିମ ସହାୟତାରେ ଘଟଣାସ୍ଥଳରେ ତଦନ୍ତ କରାଯିବା ବେଳେ ହତ୍ୟାକାଣ୍ଡରେ ବ୍ୟବହୃତ ବାଉଁଶକୁ ଜବତ କରାଯାଇଥିଲା । ଗିରଫ ପରେ କାଳିଆ ହତ୍ୟା କରିଥିବା ସ୍ବୀକାର କରିଛି । ଏନେଇ ଟାଉନଥାନା ଅଧିକାରୀ ପ୍ରଜ୍ଞାପରମିତା ଜେନା ସୂଚନା ଦେଇଛନ୍ତି ।
କାଳିଆକୁ ହତ୍ୟାକାଣ୍ଡ ଘଟଣାସ୍ଥଳକୁ ନିଆଯାଇ କ୍ରାଇମ୍ ସିନ୍ ରିକ୍ରିଏସନ ପରେ ନୟାଗଡ଼ କୋର୍ଟକୁ ପୋଲିସ ପଠାଇଛି । କିଛି ଦିନ ତଳେ ନୟାଗଡ ରେଳ ଷ୍ଟେସନ ନିକଟବର୍ତ୍ତୀ ଚକେଇଖୋଲ ମୁଣ୍ଡିଆରେ ଏକ ଜୁଆ ଆଡ୍ଡାକୁ କାଳିଆ ଓ ସରୋଜ ଯାଇଥିଲେ । ଏଠାରେ ଦିନ ସାଢ଼େ ବାରଟାରୁ ଅପରାହ୍ନ ୬ଟା ପର୍ଯ୍ୟନ୍ତ ଖେଳ ଜୁଆ ଖେଳିଥିଲେ ।
ଏହାପରେ ଉଭୟ ଅଟୋରେ ରତନପୁର ନିକଟବର୍ତ୍ତୀ ନିର୍ମାଣଧିନ ଘରକୁ ଆସିଥିଲେ । ତେବେ ଜୁଆ କାଳିଆ ଜିତିଥିବା ୩୦ ହଜାର ଟଙ୍କା ଫେରାଇବାକୁ ଦାବି କରିଥିଲା ସରୋଜ । ଏଥିପାଇଁ ଉଭୟଙ୍କ ମଧ୍ୟରେ ବଚସା ହୋଇଥିଲା । ଫଳରେ କାଳିଆକୁ ଏକ ବାଉଁଶରେ ମାଡ଼ ମାରି ହତ୍ୟା କରିବା ପରେ ଶବକୁ ପାଇଖାନା ଟାଙ୍କିରେ ଫିଙ୍ଗି ଚାଲି ଯାଇଥିଲା ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
