ପୁଣି ବେଆଇନ ଗୋରୁ ବୋଝଇ ମିନିଟ୍ରକ ଜବତ

ବେଆଇନ ଗୋରୁବୋଝେଇ ଟ୍ରକ ଜବତ କଲା ବଜରଙ୍ଗ ଦଳ । ରଣପୁରରୁ ସୁନାଖଳା ଯାଉଥିଲା ଏହି ଟ୍ରକ । ଅଧିକ ପଢନ୍ତୁ...

ନୟାଗଡ: ପୁଣି ବେଆଇନ ଗୋରୁବୋଝଇ ମିନି ଟ୍ରକ ଜବତ । ବଜରଙ୍ଗ ଦଳ ଏହି ବେଆଇନ ଗୋରୁବୋଝେଇ ମିନିଟ୍ରକକୁ ଜବତ କରିଛି । ଘଟଣାସ୍ଥଳରୁ ଗାଡିଚାଳକଙ୍କ ସହ ଅନ୍ୟମାନେ ଫେରାର l

ସୂଚନା ଅନୁସାରେ ରଣପୁରର ବ୍ଲକ ଅନ୍ତର୍ଗତ ବୃନ୍ଦାବନପୁର ପଞ୍ଚାୟତର ମଳିପଡା ଠାରେ ବଜରଙ୍ଗ ପ୍ରଖଣ୍ଡ ଦଳ ବିଶେଷ ସୂତ୍ରରୁ ଖବର ପାଇ ଚେକିଂ କରିଥିଲା । ଏହି ସମୟରେ ଏକ ବେଆଇନ ଗୋରୁବୋଝେଇ ମିନିଟ୍ରକ ରଣପୁରରୁ ସୁନାଖଳାକୁ ଯାଉଥିଲା । ରଣପୁର ବ୍ଲକର ବୃନ୍ଦାବନପୁର ପଞ୍ଚାୟତ ଅଞ୍ଚଳର ମଳିପଡ଼ା ଠାରୁ ରଣପୁର ବଜରଙ୍ଗ ଦଳର କିଛି ସଦସ୍ୟମାନେ ଟ୍ରକଟିକୁ କବଜା କରି 3ଟି ଗାଈଙ୍କୁ ଉଦ୍ଧାର କରିଛନ୍ତି । ଗାଡିରେ ଥିବା ଡ୍ରାଇଭରଙ୍କ ସମେତ ଅନ୍ୟମାନେ ଫେରାର୍ ହୋଇଯାଇଛନ୍ତି l ଏନେଇ ରଣପୁର ଥାନାରେ ଅଭିଯୋଗ ହୋଇ ଥିବାବେଳେ ସ୍ଥାନୀୟ ପୋଲିସ ପ୍ରଶାସନର ଅବହେଳା କାରଣରୁ ରଣପୁର ଅଞ୍ଚଳରେ ବାରମ୍ବାର ଏଭଳି ଘଟଣା ଘଟୁଛି ବୋଲି ଜନସାଧାରଣ ଅଭିଯୋଗ କରିଛନ୍ତି l

ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ