ନୟାଗଡ଼: ଜିଲ୍ଲା ରଣପୁର ବ୍ଲକ ସୂର୍କାବାଡ଼ି ପଞ୍ଚାୟତ ସୂର୍କାବାଡ଼ି ଗ୍ରାମର ତଳସାହିରେ ଅଗ୍ନିକାଣ୍ଡ ଘଟିଛି । ଏହି ଅଗ୍ନିକାଣ୍ଡ ସର୍ଟ ସର୍କିଟ ଦ୍ବାରା ହୋଇଥିବା ବେଳେ 4 ବଖରା ଘର ଜଳିଯାଇଥିବା ଜଣାପଡିଛି ।
ସର୍ଟ ସର୍କିଟ ହୋଇ ଜଳିଗଲା 4 ବଖରା ଘର
ଏହି ଗ୍ରାମର ଧେଡି ସାହୁଙ୍କ ଘରେ ବିଦ୍ୟୁତ ସର୍ଟ ସର୍କିଟ ହେବା ଫଳରେ ଏହି ଅଗ୍ନିକାଣ୍ଡ ଘଟିଥିଲା । ଅଗ୍ନିକାଣ୍ଡ ସମ୍ପର୍କରେ ଖବର ପାଇବା ପରେ ବୋଲଗଡ଼ ଅଗ୍ନିଶମ କର୍ମଚାରୀ ଘଟଣା ସ୍ଥଳରେ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ଘର ଭିତରେ ଥିବା ସମସ୍ତ ଆସବାବପତ୍ର ପୋଡି ପାଉଁଶ ହୋଇ ଯାଇଛି । ପ୍ରାୟ ଲକ୍ଷାଧିକ ଟଙ୍କାର ସମ୍ପତ୍ତି ଜଳିପୋଡ଼ି ଛାରଖାର ହୋଇଯାଇଥିବା ସୂଚନା ମିଳିଛି । ସେପଟେ ଅଗ୍ନି ବିପନ୍ନଙ୍କୁ ସରକାରୀ ସହାୟତା ଯୋଗଇବା ପାଇଁ ସାଧାରଣରେ ଦାବି ହୋଇଛି ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
