ନୟାଗଡ଼: ଇଟିଭି ଭାରତରେ ଖବର ପ୍ରସାରଣ ପରେ ଅସହାୟ ପାଣୁଙ୍କୁ ସହାୟତା ପ୍ରଦାନ କଲା ପ୍ରିନ୍ସ ଫାଉଣ୍ଡେସନ । ନୟାଗଡ଼ ଜିଲ୍ଲା ରଣପୁର ସୁଆଁସିଆ ସାହିର ପାଣୁ ମହାପାତ୍ର (42) ଅଜଣା ରୋଗରେ ପୀଡ଼ିତ ହୋଇ ଜୀବନ ମରଣ ସହ ଲଢ଼େଇ କରୁଛନ୍ତି । ଏପଟେ ଚିକିତ୍ସା ପାଇଁ ଅର୍ଥ ସାଜିଛି ବାଧକ । ଏ ନେଇ ଇଟିଭି ଭାରତରେ ଖବର ପ୍ରସାରଣ ହେବା ପରେ ସହାୟତାର ହାତ ବଢାଇଥିଲେ ପ୍ରିନ୍ସ ଫାଉଣ୍ଡେସନର ଅଧ୍ୟକ୍ଷା ରିନା ସାହୁ । ସେ ପାଣୁଙ୍କୁ ଆର୍ଥିକ ସହାୟତା ଏବଂ କିଛି ଫଳମୂଳ ପ୍ରଦାନ କରିବା ସହ ତାଙ୍କ ସ୍ବାସ୍ଥ୍ୟବସ୍ଥା ପଚାରି ବୁଝିଥିଲେ l
ପରିବାର ଲୋକଙ୍କ କହିବାନୁସାରେ, ପାଣୁ ଟିବିରେ ଆକ୍ରାନ୍ତ ହୋଇଥିବା ଡାକ୍ତର କହିଛନ୍ତି l ହେଲେ ଏଯାବତ ତାଙ୍କୁ ସରକାରୀ ସହାୟତା ମଧ୍ୟ ମିଳିପାରିନାହିଁ l ଅନ୍ୟ ପକ୍ଷରେ ପାଣୁଙ୍କ ଚିକିତ୍ସା ପାଇଁ ଯଥାସମ୍ଭବ ସାହାଯ୍ୟ ସହଯୋଗ ଯୋଗାଇଦେବେ ବୋଲି ପ୍ରିନ୍ସ ଫାଉଣ୍ଡେସନର ଅଧ୍ୟକ୍ଷା ରିନା ସାହୁ ପରିବାରକୁ ଆଶ୍ବସନା ଦେଇଛନ୍ତି l ତେବେ ପ୍ରିନ୍ସ ଫାଉଣ୍ଡେସନର ଏଭଳି କାର୍ଯ୍ୟକୁ ବେଶ ପ୍ରଶଂସା କରିଛନ୍ତି ଲୋକେ ।
ନୟାଗଡ଼ରୁ ଜୟେନ୍ଦ୍ର ବେହେରା, ଇଟିଭି ଭାରତ
