ନବରଙ୍ଗପୁରରେ ସୁବ୍ରତ ବାଗଚି

ନବରଙ୍ଗପୁର ଜିଲ୍ଲା ଗସ୍ତରେ ସୁବ୍ରତ ବାଗଚି । ସ୍କିଲ ଡେଭଲପମେଣ୍ଟ ସ୍ଥିତି ଏବଂ ସମସ୍ୟା ସମ୍ପର୍କରେ ଜିଲ୍ଲା ପ୍ରଶାସନଙ୍କ ସହ କଲେ ଆଲୋଚନା ଓ ପଲିଟେକ୍‌ନିକ ସ୍କୁଲ ପରିଦର୍ଶନ କରିବା ସହିତ ଛାତ୍ରଛାତ୍ରୀଙ୍କ ସହ ଆଲୋଚନା କରିଛନ୍ତି।

ନବରଙ୍ଗପୁର: ଓଡିଶା ସ୍କିଲ ଡେଭଲପମେଣ୍ଟ ଅଥରିଟିର ଅଧ୍ୟକ୍ଷ ସୁବ୍ରତ ବାଗଚି ନବରଙ୍ଗପୁର ଜିଲ୍ଲା ଗସ୍ତ କରିଛନ୍ତି l ବାଗଚିଙ୍କ ଗସ୍ତ ସମୟରେ ନବରଙ୍ଗପୁର ପଲିଟେକ୍‌ନିକ ସ୍କୁଲ ପରିଦର୍ଶନ କରିବା ସହିତ ଛାତ୍ରଛାତ୍ରୀଙ୍କ ସହ ଆଲୋଚନା କରିଛନ୍ତି। ଜିଲ୍ଲାରେ ସ୍କିଲ ଡେଭଲପମେଣ୍ଟ ସ୍ଥିତି ଏବଂ ସମସ୍ୟା ସମ୍ପର୍କରେ ଜିଲ୍ଲା ପ୍ରଶାସନ ସହ ଆଲୋଚନା କରିଛନ୍ତି l ଏହା ବ୍ୟତୀତ ନବରଙ୍ଗପୁର ଜିଲ୍ଲାର ଥିବା ପଲିଟେକନିକ କଲେଜ ପରିଦର୍ଶନ କରିବା ଅବସରରେ କଲେଜର ଅଧ୍ୟାପକଙ୍କ ଏବଂ ଛାତ୍ରଛାତ୍ରୀଙ୍କ ସହ ଆଲୋଚନା କରିଥିଲେ l

ଛାତ୍ରଛାତ୍ରୀଙ୍କ ସହ ଆଲୋଚନା ସମୟରେ ନିଜର ପ୍ରଯୁକ୍ତି ବିଦ୍ୟା ପେଶାକୁ ନିଷ୍ଠା ପର ସହ ସମୟ ଦେବାକୁ କହିଥିଲେ l ଏହି ଅବସରରେ ବାଗଚି ନିଜକୁ ନବରଙ୍ଗପୁର ମାଟିରେ ଜନ୍ମ ହୋଇଥିବା ନେଇ ଗର୍ବ ଅନୁଭବ କରିବା ସଙ୍ଗେ ସଙ୍ଗେ ଜିଲ୍ଲାର ପ୍ରଯୁକ୍ତି ବିଦ୍ୟାର ଉନ୍ନତି ପାଇଁ ସ୍ବତନ୍ତ୍ର ଧ୍ୟାନ ଦେବେ ବୋଲି ସୂଚନା ଦେଇଛନ୍ତି l

ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ