ନବରଙ୍ଗପୁର: ନବରଙ୍ଗପୁର ସହରରୁ ୩୫ କି.ମି ଦୂର ଖାତିଗୁଡ଼ା ଥାନାକୁ ପୁଣି ସାଇକେଲରେ ଗସ୍ତ କରିଛନ୍ତି ନବରଙ୍ଗପୁର ଏସପି ନିତିନ କୁସଲକର । ଥାନାରେ ପହଞ୍ଚିବା ସହ ଅଞ୍ଚଳର ଆଇନ ଶୃଙ୍ଖଳା ପରିସ୍ଥିତି ସମ୍ପର୍କରେ ଖାତିଗୁଡ଼ା ଥାନା ଅଧିକାରୀ ପଞ୍ଚାନନ ପରିଡ଼ାଙ୍କ ସହ ଆଲୋଚନା କରିଛନ୍ତି ।
୩୫ କିମି ସାଇକେଲ ଚଲାଇ ଥାନାରେ ପହଞ୍ଚିଲେ ନବରଙ୍ଗପୁର ଏସପି
ପୂର୍ବରୁ ମଧ୍ୟ କିଛିଦିନ ତଳେ ଏସପି ନିତିନ କୁସଲକର ୨୨ କି.ମି ଦୂର ତେନ୍ତୁଳିଖୁଣ୍ଟି ଥାନାକୁ ସାଇକେଲରେ ଅଚାନକ ଗସ୍ତ କରି ଚର୍ଚ୍ଚାରେ ଆସିଥିଲେ । ଯୁବ ଏସପିଙ୍କ ଏଭଳି ନିଆରା ପ୍ରୟାସ କରି ସୁସ୍ଥ ସମାଜ ଗଠନ କରିବାର ବାର୍ତ୍ତା ଦେଉଥିବାରୁ ଜିଲ୍ଲାବାସୀ ଏସପିଙ୍କୁ ଧନ୍ୟବାଦ ଜଣାଇଛନ୍ତି ।
ନବରଙ୍ଗପୁରରୁ ତପନ କୁମାର ବିଷୋୟି, ଇଟିଭି ଭାରତ
