ନବରଙ୍ଗପୁର: ଜିଲ୍ଲାରେ ଧୀରେ ଧୀରେ ତଳକୁ ଖସୁଛି କୋରୋନା ସଂକ୍ରମଣର ଗ୍ରାଫ୍ । ଫଳରେ ଜିଲ୍ଲାରେ ପ୍ରତିଦିନ ଚିହ୍ନଟ ହେଉଥିବା ନୂଆ ଆକ୍ରାନ୍ତଙ୍କ ସଂଖ୍ୟା ଧିରେ ଧିରେ କମୁଛି । ଗତ 24 ଘଣ୍ଟା ମଧ୍ୟରେ 85 ଜଣ ନୂଆ କୋରୋନା ପଜିଟିଭ୍ ଚିହ୍ନଟ ହୋଇଛନ୍ତି । ବୁଧବାର ଚିହ୍ନଟ 85 ଜଣ ନୂଆ ଆକ୍ରାନ୍ତଙ୍କ ମଧ୍ୟରୁ ଉମରକୋଟ ବ୍ଲକରୁ 15 ଜଣ ଓ ଝରିଗାଁ ବ୍ଲକରୁ 14 ଜଣ ସର୍ବାଧିକ ଆକ୍ରାନ୍ତ ଚିହ୍ନଟ ହୋଇଥିବା ବେଳେ କୋଷାଗୁମୁଡା ବ୍ଲକରୁ 10,ନବରଙ୍ଗପୁର ପୌରାଞ୍ଚଳରୁ 9, ଚନ୍ଦାହାଣ୍ଡି, ପାପଡାହାଣ୍ଡି ଓ ତେନ୍ତୁଳିଖୁଣ୍ଟି ବ୍ଲକରୁ 8 ଜଣ ଲେଖାଏଁ, ରାଇଘର ବ୍ଲକରୁ 6,ନନ୍ଦାହାଣ୍ଡି ବ୍ଲକରୁ 4 ଏବଂ ଉମରକୋଟ ପୌରାଞ୍ଚଳରୁ 3 ନୂଆ କୋରୋନା ଆକ୍ରାନ୍ତ ଚିହ୍ନଟ ହୋଇଛନ୍ତି l
ବୁଧବାର ଚିହ୍ନଟ ହୋଇଥିବା ନୂଆ ଆକ୍ରାନ୍ତଙ୍କୁ ମିଶାଇ ଜିଲ୍ଲାରେ ମୋଟ ଆକ୍ରାନ୍ତଙ୍କ ସଂଖ୍ୟା 22, 346ରେ ପହଞ୍ଚିଥିବା ବେଳେ ସେଥିମଧ୍ୟରୁ 21, 054 ଜଣ ସମ୍ପୂର୍ଣ୍ଣ ସୁସ୍ଥ ହୋଇଛନ୍ତି l ବର୍ତ୍ତମାନ ସୁଦ୍ଧା ଜିଲ୍ଲାରେ 1,129 ଜଣ ସକ୍ରିୟ ଆକ୍ରାନ୍ତ ମାମଲା ରହିଥିବା ବେଳେ ସେଥିମଧ୍ୟରୁ 1,059 ଜଣ ଗୃହ ସଙ୍ଗରୋଧରେ ରହି ଚିକିତ୍ସା ଜାରି ରଖିଛନ୍ତି l ଜିଲ୍ଲାରେ ବର୍ତ୍ତମାନ ସୁଦ୍ଧା 3 ଲକ୍ଷ 8 ହଜାର 467 ଜଣଙ୍କ ନମୁନା ସଂଗ୍ରହ କରାଯାଇ କୋରୋନା ପରୀକ୍ଷା କରାଯାଇଥିବା ଜିଲ୍ଲା ପ୍ରଶାସନ ପକ୍ଷରୁ ସୂଚନା ଦିଆଯାଇଛି l
ନବରଙ୍ଗପୁରରୁ ତପନ କୁମାର ବିଷୋୟୀ, ଇଟିଭି ଭାରତ
