ରାଇରଙ୍ଗପୁର: ମୟୁରଭଞ୍ଜ ଜିଲ୍ଲା ଗୋରୁମହିଷାଣୀ ଥାନା ଚଢେଇପାହାଡି ପଞ୍ଚାୟତ ଅଧିନ ଡୁମୁରିକୁଦର ଗ୍ରାମରେ ବଜ୍ରାଘାତରେ ମହିଳା ଗୁରୁତର । ଗୁରୁତର ଆହତ ହୋଇଥିବା ମହିଳା ଜଣକ ହେଲେ ସେହି ଗ୍ରାମର ରାମି ମାଝିଙ୍କ ସ୍ତ୍ରୀ ଭାଗୋ ମାଝି ।
ଭିଡିଓ ସୌଜନ୍ୟ: ପ୍ରତିନିଧି, ରାଇରଙ୍ଗପୁର
ସୂଚନା ଅନୁଯାୟୀ ମଙ୍ଗଳବାର ସନ୍ଧ୍ୟାରେ ପାନୀୟ ଜଳ ଆଣିବା ପାଇଁ ମହିଳା ଜଣକ ଘର ନିକଟସ୍ଥ ନଳକୂପ ପାଖକୁ ଯାଇଥିଲେ । ତେବେ ହଠାତ୍ ସେହି ସମୟରେ ବଜ୍ରପାତ ହେବାରୁ ମହିଳା ଜଣକ ସେହିଠାରେ ଅଚେତ ଅବସ୍ଥାରେ ପଡିରହିଥିଲେ । ପରିବାର ଲୋକେ ତୁରନ୍ତ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ରାଇରଙ୍ଗପୁର ଡାକ୍ତରଖାନା ଆଣିଥିଲେ । ସେଠାରେ ତାଙ୍କ ଅବସ୍ଥା ଗୁରୁତର ଥିବା ଜଣାପଡିଛି ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
