ବାରିପଦା: ଗୁଜୁରାଟରେ ମୃତ ଦାଦନ ଶ୍ରମିକର ମୃତଦେହ ଛାଡିବାକୁ ଆସି ପରିବାର ଲୋକଙ୍କ ଆକ୍ରୋଶର ଶିକାର ହେଲେ ଆମ୍ବୁଲାନ୍ସ ଓ କର୍ମଚାରୀ । ଏପରି ଘଟଣା ଦେଖିବାକୁ ମିଳିଛି ମୟୂରଭଞ୍ଜ ଜିଲ୍ଲା ଶ୍ୟାମାଖୁଣ୍ଟା ବ୍ଲକ ଅଧିନ ନୁରୁଡ଼ି ଛକଠାରେ ।
କିନ୍ତୁ ଗତକାଲି ହଠାତ କମ୍ପାନୀ ପକ୍ଷରୁ ସୋମନାଥଙ୍କ ମୃତ୍ୟୁ ହୋଇଯାଇଥିବାର ସୂଚନା ପରିବାର ଲୋକଙ୍କୁ ପ୍ରଦାନ କରିଥିଲେ । କିନ୍ତୁ ପରିବାର ଲୋକେ ଏହାକୁ ସହଜରେ ଗ୍ରହଣ କରିପାରି ନ ଥିଲେ ।
ଅନ୍ୟପକ୍ଷରେ ମୃତ୍ୟୁର ସଠିକ କାରଣ ମଧ୍ୟ କମ୍ପାନୀ ପକ୍ଷରୁ ପରିବାର ଲୋକଙ୍କୁ ସୂଚନା ଦିଆଯାଇନଥିବା ପରିବାର ପକ୍ଷରୁ ଅଭିଯୋଗ ହୋଇଛି । ତେବେ ଆଜି ସନ୍ଧ୍ୟା ସମୟରେ ଗୁଜୁରାଟରୁ ଆମ୍ବୁଲାନ୍ସ ଯୋଗେ ମୃତ ଶରୀର ନେଇ ଆସିଥିବା ବେଳେ ଗ୍ରାମବାସୀ ପକ୍ଷରୁ ଉକ୍ତ ଆମ୍ବୁଲାନ୍ସକୁ ନୁରୁଡି ଛକ ନିକଟରେ ଅଟକ ରଖିଥିଲେ । ଯାହା ଫଳରେ ଉଦଳା-ବାରିପଦା ରାସ୍ତାର ଉଭୟ ପାର୍ଶ୍ୱରେ ବହୁ ସଂଖ୍ୟାରେ ଗାଡି ଅଟକ ରହିଥିଲା ।
ପରିବାର ପକ୍ଷରୁ ମୃତ ବ୍ୟକ୍ତିର ଆଉ ଥରେ ବ୍ୟବଛେଦ କରି କେଉଁ କାରଣ ପାଇଁ ସୋମନାଥର ମୃତ୍ୟୁ ଘଟିଲା ତାର ତଦନ୍ତ ଦାବି କରିଛନ୍ତି । ବାରିପଦା ସଦର ଥାନା ପୋଲିସ ଘଟଣାସ୍ଥଳରେ ପହଞ୍ଚି ବୁଝାସୁଝା କରୁଥିବା ଜଣାପଡିଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
