ଗଛରୁ ଯୁବତୀଙ୍କ ଝୁଲନ୍ତା ମୃତଦେହ ଉଦ୍ଧାର, ତଦନ୍ତ ଜାରି

ମୟୂରଭଞ୍ଜ ଜିଲ୍ଲା ବଡସାହି ଥାନା ମଙ୍କଗଡିଆ ଗାଁ ନିକଟ ଏକ ଗଛରୁ ଝୁଲନ୍ତା ମୃତଦେହ ଉଦ୍ଧାର । ମୃତ ଯୁବତୀ ଜଣଙ୍କର ପରିଚୟ ବର୍ତ୍ତମାନ ସୁଦ୍ଧା ମିଳି ପାରିନାହିଁ । ଖବର ପାଇ ବଡସାହି ପୋଲିସ ସେଠାରେ ପହଞ୍ଚି ତଦନ୍ତ ଆରମ୍ଭ କରିଛି ।

ବାରିପଦା:ମୟୂରଭଞ୍ଜ ଜିଲ୍ଲା ବଡସାହି ଥାନା ମଙ୍କଗଡିଆ ଗାଁ ନିକଟ ଏକ ଗଛରୁ ଝୁଲନ୍ତା ମୃତଦେହ ଉଦ୍ଧାର । ମୃତ ଯୁବତୀ ଜଣଙ୍କର ପରିଚୟ ବର୍ତ୍ତମାନ ସୁଦ୍ଧା ମିଳି ପାରିନାହିଁ । ମୃତ ଯୁବତୀଙ୍କ ବୟସ ପାଖାପାଖି 30 ହୋଇଥିବା ଅନୁମାନ କରାଯାଉଛି । ଏଥିସହ ଘଟଣାସ୍ଥଳରେ ବ୍ୟାଗ ଓ ଚପଲ ପଡିଥିବା ଦେଖିବାକୁ ମିଳିଛି । ଖବର ପାଇ ବଡସାହି ପୋଲିସ ସେଠାରେ ପହଞ୍ଚି ତଦନ୍ତ ଆରମ୍ଭ କରିଛି ।

ସୂଚନା ଅନୁଯାୟୀ କିଛି ସ୍ଥାନୀୟ ଲୋକେ ଅପରାହ୍ନରେ ଯୁବତୀ ଜଣଙ୍କ ନିଜ ଓଢଣୀରେ ଗଛରୁ ଝୁଲିଥିବା ଦେଖିବାକୁ ପାଇଥିଲେ । ଏନେଇ ଲୋକେ ତୁରନ୍ତ ସ୍ଥାନୀୟ ବଡସାହି ପୋଲିସକୁ ଖବର କରିଥିଲେ । ଖବର ପାଇ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି । ଯୁବତୀଙ୍କର ଆନୁମାନିକ ବୟସ 30 ହେବା ସହ କେଉଁ ପରିସ୍ଥିତିରେ ଓ କେଉଁ କାରଣରୁ ଏହା ହୋଇଛି ତାହା ତଦନ୍ତ ପରେ ହିଁ ଜଣା ପଡିବ ବୋଲି ପୋଲିସ କହିଛି । ଏନେଇ ପୋଲିସ ପକ୍ଷରୁ 21/2020ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ ହୋଇଛି ।

ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ