ବାରିପଦା: ଜିଲ୍ଲାର ଖୁଣ୍ଟା ଥାନା ଖଣ୍ଡାବୁଡା ଗାଁରେ ଅଘଟଣ। ଶ୍ବଶୁର ଘରେ ଜ୍ୱାଇଁଙ୍କ ଝୁଲନ୍ତା ମୃତଦେହ ମିଳିବା ପରେ ଏହା ଆତ୍ମହତ୍ୟା କରିଥିବା ସନ୍ଦେହ କରାଯାଉଛି ।
ଝୁଲନ୍ତା ଅବସ୍ଥାରେ ଜ୍ୱାଇଁର ମୃତଦେହ ଉଦ୍ଧାର, ଆତ୍ମହତ୍ୟା ସନ୍ଦେହ
ସୂଚନା ଅନୁଯାୟୀ, ଖଣ୍ଡାବୁଡା ଗାଁ ନିକଟ ଏକ ଗଛରୁ ଜଣେ ଯୁବକଙ୍କ ମୃତଦେହ ଉଦ୍ଧାର ହୋଇଛି। ମୃତ ଯୁବକ ଜଣଙ୍କ ହେଲେ ବାରିପଦା ସଦର ଥାନା ଦାମଦୋରପୁର ଗାଁ ର ଶୁକ୍ରା ସିଂ । ଶୁକ୍ରା ଖଣ୍ଡାବୁଡା ଗାଁରେ ଆରତୀ ସିଂକୁ ପ୍ରେମ ବିବାହ କରି ଶ୍ବଶୁର ଘରେ ରହୁଥିଲେ। ତେବେ ଶୁକ୍ରା ଆତ୍ମହତ୍ୟା କରିଥିବା ସନ୍ଦେହ କରାଯାଉଥିବା ବେଳେ, ଏହାର କାରଣ ଜଣାପଡିନାହିଁ।
ଖବରପାଇ ଖୁଣ୍ଟା ପୋଲିସ ଘଟଣାସ୍ଥଳରେ ପହଞ୍ଚି ମୃତଦେହ ଜବତ କରିବା ସହ ତଦନ୍ତ ଆରମ୍ଭ କରିଛି।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
