ରାଇରଙ୍ଗପୁର: ବିଭିନ୍ନ ଦାବିରେ ଘାଗରବେଡା ଉଚ୍ଚ ବିଦ୍ୟାଳୟରେ ପଡିଲା ତାଲା । ମୟୂରଭଞ୍ଜ ଜିଲ୍ଲାର ଶେଷ ସୀମାନ୍ତ ରରୁଆଁ ବ୍ଲକ ଘାଘରବେଡା ସରକାରୀ ଉଚ୍ଚ ବିଦ୍ୟାଳୟରେ ବିଭିନ୍ନ ଦାବି ନେଇ ଅଭିଭାବକ ଓ ଛାତ୍ରଛାତ୍ରୀ ଅନିର୍ଦ୍ଦିଷ୍ଟ କାଳ ପାଇଁ ତାଲା ବନ୍ଦ ଆନ୍ଦୋଳନ ଦେଇଛନ୍ତି । ଏଥିରେ ଛାତ୍ରଛାତ୍ରୀ ଅଭିଭାବକ, ପରିଚାଳନା କମିଟିର ସଦସ୍ୟ, ସରପଞ୍ଚ ପ୍ରଭୃତି ବିଦ୍ୟାଳୟ ସମ୍ମୁଖରେ ଧାରଣାରେ ବସିଛନ୍ତି ।
ବିଭିନ୍ନ ଦାବିରେ ଘାଗରବେଡା ଉଚ୍ଚ ବିଦ୍ୟାଳୟରେ ତାଲା
ଏଥିରେ ପ୍ରଧାନଶିକ୍ଷୟିତ୍ରୀ ବଦଳି କରିବା ମୁଖ୍ୟ ଦାବି ରହିଛି । ଘଟଣାସ୍ଥଳରେ ରରୁଆଁ ବ୍ଲକ ABEO ପହଞ୍ଚି ପରିସ୍ଥିତି ନିୟନ୍ତ୍ରଣ କରିବାକୁ ଚେଷ୍ଟା କରିଥିଲେ ବି ପରିସ୍ଥିତି ଶାନ୍ତ ହୋଇନଥିଲା । ପ୍ରଧାନ ଶିକ୍ଷୟିତ୍ରୀ ବଦଳି ନହେବା ପର୍ଯ୍ୟନ୍ତ ଅନିର୍ଦ୍ଦିଷ୍ଟ କାଳ ପର୍ଯ୍ୟନ୍ତ ବିଦ୍ୟାଳୟ ବନ୍ଦ ରହିବ ବୋଲି ସ୍ଥାନୀୟ ଜନସାଧାରଣ ପ୍ରକାଶ କରିଛନ୍ତି ।
ରାଇରଙ୍ଗପୁରରୁ ସଞ୍ଜୟ ପରିଡା, ଇଟିଭି ଭାରତ
