ରାଇରଙ୍ଗପୁର: ଜୁଆ ଖେଳ ଚାଲିଥିବାବେଳେ ଜୁଆ ଆଡ୍ଡାରେ ପୋଲିସର ଅତର୍କିତ ଚଢ଼ାଉ । ପାଞ୍ଚ ଜୁଆଡିଙ୍କୁ ଗିରଫ କରିବା ସହ ନଗଦ ୯୧୦୦ ଟଙ୍କା ଓ ୧୦ଟି ବାଇକକୁ ଜବତ କରିଛି ପୋଲିସ ।
ମୟୂରଭଞ୍ଜ ଜିଲ୍ଲା ଯାମଦା ଥାନା ଅନ୍ତର୍ଗତ ଜଟାପାଣି ଗ୍ରାମର ନଦୀସାହି ନିକଟସ୍ଥ ଏକ କ୍ଲବ ଘରେ ଜୁଆଖେଳ ଚାଲିଥିବା ବିଶେଷ ସୂତ୍ରରୁ ଖବର ପାଇ ପୋଲିସ ପକ୍ଷରୁ ଅତର୍କିତ ଭାବେ ଚଢ଼ାଉ କରାଯାଇଥିଲା । ତେବେ ଘଟଣାସ୍ଥଳରୁ ପାଞ୍ଚ ଜଣ ଜୁଆଡିଙ୍କୁ ପୋଲିସ କାବୁ କରିଥିବାବେଳେ ନଗଦ ୯୧୦୦ ଟଙ୍କା ସହିତ ଦଶଟି ବାଇକ ଜବତ କରାଯାଇଥିଲା ।
ଗିରଫ ପାଞ୍ଚ ଜଣଙ୍କୁ ରାଇରଙ୍ଗପୁର କୋର୍ଟ ଚାଲାଣ କରାଯାଇଥିବା ଯାମଦା ଥାନାଧିକାରୀ ସୂଚନା ଦେଇଛନ୍ତି । ଗିରଫ ପରେ କୋର୍ଟଚାଲାଣ ହୋଇଥିବା ପାଞ୍ଚ ଜଣ ହେଲେ ସିନ୍ଦୁରଗୌରିର କାଳୀ ଚରଣ ମହାନ୍ତ, ଗଢର ଦେବଦତ୍ତ ଜେନା, କୁଚେଇବୁଢୀର ମନୋଜ କୁମାର ମହାନ୍ତ, ଜଟାପାଣିର ଭରତ ସ୍ବାଇଁ ଓ ହୁରଲା ବେଡାର ବୀର କିଶୋର ସାହୁ ।
ରାଇରଙ୍ଗପୁରରୁ ସଞ୍ଜୟ କୁମାର ପରିଡା, ଇଟିଭି ଭାରତ
