ବାରିପଦା: ରାଜ୍ୟରେ ଦିନକୁ ଦିନ ବଢିବାରେ ଲାଗିଛି ଚୋରୀ ଓ ଡାକାୟତି ଘଟଣା । ଏକ ବଡ ଧରଣର ଡକାୟତି ଯୋଜନାକୁ ପଣ୍ଡ କରିଛି ବାରିପଦା ଟାଉନ ପୋଲିସ। ଏହି ଘଟଣାରେ ପୋଲିସ 4 ଜଣଙ୍କୁ ଗିରଫ କରିଥିବା ବେଳେ ନଗଦ ଟଙ୍କା,ଗୋଟିଏ ବନ୍ଧୁକ, ଚାରୋଟି ମୋବାଇଲ ଜବତ କରିଛି ପୋଲିସ ।
ଡକାୟତି ଯୋଜନା ପଣ୍ଡ, 4 ଗିରଫ
ସୂଚନା ଅନୁସାରେ, ବାରିପଦା ଟାଉନ ପୋଲିସ ବିଶେଷ ସୂତ୍ରରୁ ଖବର ପାଇ ଏକ ସ୍ୱତନ୍ତ୍ର ସ୍କ୍ୱାର୍ଡ ଦ୍ବିପହରରେ ହୋଟେଲରେ ଚଢ଼ାଉ କରିଥିଲେ। ଚଢ଼ାଉ ସମୟରେ ଚାରିଜଣ ଯୁବକଙ୍କୁ ଗିରଫ କରିଥିଲା । ଏହାସହ ତାଙ୍କ ନିକଟରୁ ୫୫୦୦ ଟଙ୍କା, ଗୋଟିଏ ବନ୍ଧୁକ, ଚାରୋଟି ମୋବାଇଲକୁ ଜବତ କରିଛି ପୋଲିସ। ଗିରଫ ଚାରି ଜଣ ରାଜ୍ୟର ବିଭିନ୍ନ ଜିଲ୍ଲାର ହୋଇଥିବା ଜଣାପଡିଛି । ଅଭିଯୁକ୍ତ ମାନେ ହେଲେ ବ୍ରହ୍ମପୁର ଅଞ୍ଚଳର କେ. ଯୁଧିଷ୍ଠିର ରେଡ୍ଡୀ, ଖୋର୍ଦ୍ଧା ଅଞ୍ଚଳର ତପନ ରଞ୍ଜନ ସାହୁ ,ଶୁଭଦୀପ ଶତପଥୀ ଓ କଟକର ପ୍ରଦୀପ୍ତ ସାହୁ ବୋଲି ଜଣାପଡିଛି । ଏନେଇ ପୋଲିସ ଏକ ମାମଲା ରୁଜୁ କରି ଅଧିକ ତଦନ୍ତ ଚଳାଇଛି ।
ମୟୂରଭଞ୍ଜରୁ ମୃତ୍ୟୁଞ୍ଜୟ ସେନାପତି, ଇଟିଭି ଭାରତ
