ମାଲକାନଗିରି: ଜିଲ୍ଲାରେ ପୁଣି ଥରେ ଆରମ୍ଭ ହେବ ମିଶନ ଇନ୍ଦ୍ରଧନୁଷର ଦ୍ବିତୀୟ ପର୍ଯ୍ୟାୟ ଟୀକାକରଣ । ରାଜ୍ୟର ୬ଟି ଜିଲ୍ଲାରେ ୪ଟି ପର୍ଯ୍ୟାୟରେ ପ୍ରତି ମାସରେ ୭ ଦିନ ଧରି ଏହି ଟୀକାକରଣ କରିବାର ଲକ୍ଷ୍ୟ ରଖିଛନ୍ତି ରାଜ୍ୟ ସରକାର ।
ଜିଲ୍ଲାର ୮୯୩ ଟି ସ୍ଥାନରେ ଏହି ଟୀକାକରଣ କରିବା ପାଇଁ ସ୍ବାସ୍ଥ୍ୟ ବିଭାଗ ନିଷ୍ପତ୍ତି ନେଇଛି । ୪୨୩ ଜଣ ଗର୍ଭବତୀ ମହିଳା ଓ ୨ ହଜାର ୨୫୮ ଜଣ ଶିଶୁଙ୍କୁ ଏହି ଟୀକାକରଣରେ ଅନ୍ତର୍ଭୁକ୍ତ କରିବା ପାଇଁ ଜିଲ୍ଲା ପ୍ରଶାସନ ସ୍ଥିର କରିଛି । ବିଶେଷ କରି ଜିଲ୍ଲାର ଦୁର୍ଗମ ଅଞ୍ଚଳ ସହ ଚିତ୍ରକୋଣ୍ଡା ବିଚ୍ଛିନ୍ନାଞ୍ଚଳ ଉପରେ ସ୍ବାସ୍ଥ୍ୟ ବିଭାଗ ଅଧିକ ଫୋକସ ରଖିଛି ।
ବିଚ୍ଛିନ୍ନାଞ୍ଚଳରେ ୩ଟି ମୋଟର ଆମ୍ବୁଲାନ୍ସ ଯୋଗେ ଯନ୍ତ୍ରୀ, ଅଣ୍ଡ୍ରାପାଲ୍ଲି, ଯୋଡାମ୍ବ, ପଣସପୁଟ ଓ ଗାଜଲ ମାମୁଡି ପଞ୍ଚାୟତରେ ସ୍ବାସ୍ଥ୍ୟକର୍ମୀ ମାନେ ପହଞ୍ଚି ଆଦିବାସୀ ଲୋକଙ୍କୁ ଟୀକାକରଣ କରିବେ । ଏକ ସାମ୍ବାଦିକ ସମ୍ମିଳନୀରେ ଏହି ସୂଚନା ଦେଇଛନ୍ତି ଜିଲ୍ଲା ମୁଖ୍ୟ ଚିକିତ୍ସାଧିକାରୀ ।
ମାଲକାନଗିରିରୁ ଜୟନ୍ତ ତିଆଡି, ଇଟିଭି ଭାରତ
