ମାଲକାନଗିରି: 10ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, 4 ଗିରଫ । ମାଲକାନଗିରି ଜିଲ୍ଲା ଚିତ୍ରକଣ୍ଡାରୁ ଉତ୍ତରପ୍ରଦେଶକୁ ଗଞ୍ଜେଇ ଚୋରାଚାଲାଣ ବେଳେ ପୋଲିସ ଜବତ କରିଛି । ପୋଲିସ ସେମାନଙ୍କ ନିକଟରୁ ଦେଢ ଲକ୍ଷ ଟଙ୍କା ସହ 4ଟି ମୋବାଇଲ ଜବତ କରିଛି ।
ମାଲକାନଗିରି 10ଲକ୍ଷରୁ ଉର୍ଦ୍ଧ୍ବ ଟଙ୍କାର ଗଞ୍ଜେଇ ଜବତ, 4 ଗିରଫ
ସୂଚନା ଅନୁଯାୟୀ ମାଲକାନଗିରି ପୋଲିସ ରବିବାର ରାତ୍ରରେ ପେଟ୍ରୋଲିଂ ବେଳେ ମାଲକାନଗିରି-ବାଲିମେଳା ମୁଖ୍ୟ ରାସ୍ତାରେ ଏକ ବୋଲେରୋକୁ ଯାଞ୍ଚ ପାଇଁ ରୋକିଥିଲା । ତେବେ ଗାଡ଼ିରେ ଗଞ୍ଜେଇ ଚାଲାଣ ହେଉଥିବାରୁ ଗାଡ଼ିରେ ଥିବା ଚାଳକଙ୍କ ସମେତ 4 ଜଣ ଗାଡି ଛାଡି ଖସିଯିବାକୁ ଚେଷ୍ଟା କରିଥିଲେ । ତେବେ ପୋଲିସ ସମସ୍ତଙ୍କୁ କାବୁ କରିଥିଲା ଏବଂ ବୋଲେରୋରୁ ପୋଲିସ 120 କେଜି ଗଞ୍ଜେଇ ଜବତ କରିବା ସହ ଗାଡି ଜବତ କରିଛି । ଗଞ୍ଜେଇ ଚୋରା ଚାଲାଣ ଅଭିଯୋଗରେ ଅଟକ ଥିବା 4 ଅଭିଯୁକ୍ତଙ୍କୁ ପୋଲିସ କୋର୍ଟ ଚାଲାଣ କରିଛି ।
ମାଲକାନଗିରିରୁ ଦେବଦତ୍ତ ବେହେରା, ଇଟିଭି ଭାରତ
