କୋରାପୁଟ: ଇଷ୍ଟର ରବିବାର ଶ୍ରୀଲଙ୍କାରେ ଘଟିଥିବା ନରସଂହାରକୁ ବିରୋଧ କରିଛନ୍ତି କୋରାପୁଟ ସହରବାସୀ । ଶ୍ରୀଲଙ୍କାରେ ଗୀର୍ଜାକୁ ଟାର୍ଗେଟ କରି 8ଟି ସିରିଜ ବିସ୍ଫୋରଣ କରିଥିଲେ ଆତଙ୍କବାଦୀ । ଏହାକୁ ବିରୋଧ କରି ରବିବାର କୋରାପୁଟ ଜେଇଏଲ ଚର୍ଚ୍ଚ ଆନୁକୂଲ୍ୟରେ କୋରାପୁଟ ସହରରେ ଏକ କ୍ୟାଣ୍ଡେଲ ଶୋଭାଯାତ୍ରା ବାହିରିଥିଲା ।
ଇଷ୍ଟର ପାଳି ଚର୍ଚ୍ଚରୁ ବାହାରୁଥିବା ବ୍ୟକ୍ତିଙ୍କ ଉପରେ ଆତଙ୍କବାଦୀମାନେ ଆକ୍ରମଣ କରି ଅମାନୁଷିକ ଭାବେ ହତ୍ୟା କରିଥିଲେ । ଯେଉଁଥିରେ ପ୍ରାୟ 300ରୁ ଊର୍ଦ୍ଧ୍ବ ବ୍ୟକ୍ତି ପ୍ରାଣ ହରାଇଥିଲେ । ସେମାନଙ୍କ ଆତ୍ମାର ସଦଗତି ପାଇଁ ପ୍ରାର୍ଥନାର ସହ ବସୁଧୈବ କୁଟୁମ୍ବକମର ବାର୍ତ୍ତା ବହନ କରି ଜେଇଏଲସିର ସଦସ୍ୟ ନଗର ମଧ୍ୟରେ ନିରବ ଶୋଭାଯାତ୍ରାରେ ବାହାରିଥିଲେ ।
ସୂଚନାଥାଉକି, ଏପ୍ରିଲ 21 ରବିବାର ଦିନ ଆତଙ୍କବାଦୀମାନେ ଶ୍ରୀଲଙ୍କାରେ ସିରିଜ ବିସ୍ଫୋରଣ କରିଥିଲେ । ପ୍ରଥମେ 3ଟି ଗୀର୍ଜାକୁ ଏକାଥରରେ ବ୍ଲାଷ୍ଟ କରିଥିଲେ । ପରେ ପରେ ଆଉ 3ଟି ପଞ୍ଚତାରକା ହୋଟେଲକୁ ବ୍ଲାଷ୍ଟ କରିଥିଲେ । ପରେ ଏକ ଉଦ୍ୟାନ ନିକଟରେ ବ୍ଲାଷ୍ଟ ହୋଇଥିଲା । ତା ପରଦିନ ଶ୍ରୀଲଙ୍କାର ରାଜଧାନୀ କଲୋମ୍ବରେ ଗୋଟିଏ ବମା ବିସ୍ଫରଣ କରିଥିଲେ । ଏଥିରେ 300ରୁ ଊର୍ଦ୍ଧ୍ବ ଲୋକେ ପ୍ରାଣ ହରାଇଛନ୍ତି ।
କୋରାପୁରଟରୁ ସିଏଚ ଶାନ୍ତାକାର, ଇଟିଭି ଭାରତ
