କୋରାପୁଟ: ରାଜ୍ୟରେ ଚାଲିଛି ଗଞ୍ଜେଇ ମାଫିଆଙ୍କ ରାଜ । ପ୍ରତିଦିନ ଚୋରା ଚାଲାଣ ହେଉଛି କ୍ବିଣ୍ଟାଲ କ୍ବିଣ୍ଟାଲ ଗଞ୍ଜେଇ । କେଉଁଠି ଟ୍ରକ ଟ୍ରକ ଗଞ୍ଜେଇ ଜବତ ହେଉଛି ତ କେଉଁଠି ଗଞ୍ଜେଇ ମାଫିଆ ଗିରଫ ହେଉଛନ୍ତି ।
ଭିଡିଓ ସୌଜନ୍ୟ: ସମ୍ବାଦଦାତା, କୋରାପୁଟ
ମଙ୍ଗଳବାର କୋରାପୁଟ ସେମିଳିଗୁଡା ପୋଲିସ ଏକ ଟ୍ରକରେ ଚୋରା ଚାଲାଣ ହେଉଥିବା ପାଖାପାଖି 4 କ୍ବିଣ୍ଟାଲ ଗଞ୍ଜେଇ ଜବତ କରିଛି । ଏହାସହ ଉତ୍ତର ପ୍ରଦେଶର ଦୁଇ ବାସିନ୍ଦା ତଥା ଗଞ୍ଜେଇ ମାଫିଆ ଅଶୋକ କୁମାର ଓ କୁଳଦୀପ ସିଂଙ୍କୁ ମଧ୍ୟ ପୋଲିସ ଗିରଫ କରିଛି ।
ମଙ୍ଗଳବାର ସଂଧ୍ୟାରେ ସେମିଳିଗୁଡା ଓ ନନ୍ଦପୁର ମଧ୍ୟରେ ଥିବା ବୋଡେଙ୍ଗା ଛକଠାରେ ସେମିଳିଗୁଡା ପୋଲିସ ଚାଲାଣ ବେଳେ ଚଢାଉ କରିଛି । ତେବେ ଅନ୍ୟ ଦୁଇ ଜଣ ଘଟଣାସ୍ଥଳରୁ ଖସି ପଳାଇଥିବା ପୋଲିସ କହିଛି ।
କୋରାପୁଟରୁ ସିଏଚ ଶାନ୍ତାକାର, ଇଟିଭି ଭାରତ
