ଖୋର୍ଦ୍ଧା: ପାଳିତ ହୋଇଯାଇଛି ନିଜିଗଡ଼ ତାପଙ୍ଗର ପୂର୍ବତନ ସରପଞ୍ଚ ତଥା ପାଇକ ସଂସ୍କୃତିର ଅନ୍ୟତମ ପୁରୋଧା ଯୁଧିଷ୍ଠିର ମହାରଥୀଙ୍କ ପ୍ରଥମ ଶ୍ରାଦ୍ଧବାର୍ଷିକୀ । ଏହି ଅବସରରେ ସ୍ବର୍ଗତଃ ମହାରଥୀଙ୍କ ଏକ ପ୍ରତିମୂର୍ତ୍ତି ଉନ୍ମୋଚିତ ହୋଇଛି । ନିଜିଗଡ଼ ତାପଙ୍ଗରେ ଅନୁଷ୍ଠିତ ସ୍ମୃତିଚାରଣ ସଭାରେ ଜଟଣୀ ବିଧାୟକ ସୁରେଶ କୁମାର ରାଉତରାୟ, ଖୋର୍ଦ୍ଧା ବିଧାୟକ ଜ୍ୟୋତିନ୍ଦ୍ର ନାଥ ମିତ୍ର, ପୂର୍ବତନ ସାଂସଦ ପ୍ରସନ୍ନ ପଟଶାଣୀ ପ୍ରମୁଖଙ୍କ ସହ ବହୁ ସ୍ଥାନୀୟ ଜନସାଧାରଣ ଉପସ୍ଥିତ ଥିଲେ ।
ସ୍ବର୍ଗତ ମହାରଥୀ ନିଜର କର୍ମମୟ ଜୀବନରେ ସରପଞ୍ଚ ଭାବେ ନିଜିଗଡ଼ ତାପଙ୍ଗର ସର୍ବାଙ୍ଗୀନ ବିକାଶ ସହ ଅଞ୍ଚଳରେ ପାଇକ ସଂସ୍କୃତିର ସଂରକ୍ଷଣ ପାଇଁ ଅନେକ ପଦକ୍ଷେପ ନେଇଥିଲେ ବୋଲି ଅତିଥିମାନେ ନିଜ ବକ୍ତବ୍ୟରେ କହିଥିଲେ ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ