ଖୋର୍ଦ୍ଧା: କିଛି ଦିନ ପରେ ପୁଣି ସାମ୍ନାକୁ ଆସିଛି ମାନବବାଦ ସଙ୍ଗଠନ କର୍ମକର୍ତ୍ତାଙ୍କ ଗୁଣ୍ଡାଗିରି । ବେଗୁନିଆ ଥାନା ଅନ୍ତର୍ଗତ ଅଭିମାନପୁର ଗ୍ରାମରେ ମାନବବାଦ ସଙ୍ଗଠନର ୩ଜଣ କର୍ମୀ ମଙ୍ଗଳବାର ସନ୍ଧ୍ୟାରେ ଗ୍ରାମବାସୀଙ୍କୁ ମାରଣାସ୍ତ୍ର ଧରି ଧମକ ଚମକ ଦେଉଥିବା ଦେଖିବାକୁ ମିଳିଥିଲା । ତେବେ ଏହି ଘଟଣାକୁ ନେଇ ଗ୍ରାମବାସୀ ମାନେ ଏକତ୍ରିତ ହୋଇ ତିନିଜଣଙ୍କ ମଧ୍ୟରୁ ଦୁଇଜଣଙ୍କୁ କାବୁ କରିଥିବା ବେଳେ ଜଣେ ଘଟଣାସ୍ଥଳରୁ ଖସିଯିବାକୁ ସମର୍ଥ ହୋଇଛି । ଫଳରେ ଗ୍ରାମବାସୀ ଦୁଇଜଣଙ୍କୁ ଅଟକ ରଖି ବେଗୁନିଆ ଥାନା ପୋଲିସକୁ ଖବର ଦେଇଥିଲେ ।
ସୀମା ଲଙ୍ଘିଲା ମାନବବାଦ ସଙ୍ଗଠନ କର୍ମୀଙ୍କ ବର୍ବରତା, ୨ ଅଟକ
ତେବେ ଘଟଣାସ୍ଥଳରେ ବେଗୁନିଆ ଥାନା ପୋଲିସ ପହଁଞ୍ଚି ଦୁଇଜଣ ଯୁବକଙ୍କୁ ଥାନାରେ ଅଟକ ରଖି ପଚରାଉଚରା କରୁଥିବା ବେଳେ କୌଣସି ମାରଣାସ୍ତ୍ର ଜବତ ହୋଇନଥିବା ଜଣାପଡିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
