ଖୋର୍ଦ୍ଧା: ଆଜି(ଗୁରୁବାର) ସକାଳେ ଘଟିଛି ଏକ ସଡକ ଦୁର୍ଘଟଣା । ଏହି ଦୁର୍ଘଟଣାରେ ଚାଲିଗଲା ଜଣେ ଛାତ୍ରୀର ଜୀବନ । ଖୋର୍ଦ୍ଧା ଜଙ୍କିଆ ଥାନା ଢ଼ିହଖଳାରେ ଘଟିଛି ଏହି ଦୁର୍ଘଟଣା । ଟ୍ରାକ୍ଟର ଚାପି ଦେବାରୁ ଜଣେ ସପ୍ତମ ଶ୍ରେଣୀ ଛାତ୍ରୀର ମୃତ୍ୟୁ ଘଟିଛି ।
ଟ୍ରାକ୍ଟର ଧକାରେ ସପ୍ତମ ଶ୍ରେଣୀ ଛାତ୍ରୀ ମୃତ
ସୂଚନାନୁସାରେ ଦୁର୍ଘଟଣାରେ ମୃତ୍ୟୁ ହୋଇଥିବା ଛାତ୍ରୀର ନାମ ସସ୍ମିତା ସ୍ବାଇଁ । ତେବେ ଖବର ପାଇ ଜଙ୍କିଆ ପୋଲିସ ଘଟଣାସ୍ଥରେ ପହଞ୍ଚି ମୃତଦେହ ଉଦ୍ଧାର ସହ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଥିଲା । ସେପଟେ ଘଟଣା ସ୍ଥଳରୁ ଜଙ୍କିଆ ପୋଲିସ ଦୁର୍ଘଟଣା ଘଟାଇଥିବା ଟ୍ରାକ୍ଟର ଜବତ କରି ଏହାର ତଦନ୍ତ ଆରମ୍ଭ ଜାରି ରଖିଛି ।
ଖୋର୍ଦ୍ଧାରୁ ଗୋବିନ୍ଦ ଚନ୍ଦ୍ର ପଣ୍ଡା, ଇଟିଭି ଭାରତ
